شمس تنهار بالبكاء: "عيلتي ماتت واتعرضت للنصب كثيرا"
-
عرض 5 صورة
-
عرض 5 صورة
-
عرض 5 صورة
-
عرض 5 صورة
-
عرض 5 صورة
كتب- هاني صابر:
دخلت الفنانة شمس، في نوبة بكاء بشكل هستيري على الهواء خلال حديثها عن وفاة عائلتها في فترة زمنية قصيرة بحسب وصفها.
وقالت شمس، ببرنامج "قعدة ستات": "موت اخواتي خلاني اتكسرت، العمود الفقري بيكون فقرات فأنا اول فقرة اتكسرت كانت موت ماما، والإخوات سند خصوصا لما يبقى الفرق سريع 4 شهور".
وتابعت شمس: "الفقد عموما صعب لما تفقدي الكلب أو القطة بتاعتك قلبك بيوجعك، بس هم كلهم بيوجعوا القلب".
واستكملت: "كنت بشتغل مع كبار المخرجين اللي في الوسط ومتربية على أيديهم وهم دلوقتي أغلبهم مش موجودين على الساحة أصلا والأدوار اللي بتجيلي
ممكن تكون كبيرة بس مش بحجم الأدوار اللي كنت باخدها زمان، بس بتشدني".
وأوضحت: "مريت بظروف كتير خلتني معنديش طاقة غير لما تكون حاجة حباها أوي وحاجة تهزني، واتعرضت للنصب كثيرا جدا واشتغلت مع ناس مش فاهمة وحاولت أعمل زي ما الناس
بتقولي إرجعي وانتشري فأكدب عليكم لو قولت محاولتش".
وأضافت: "جاتلي حالة من الزهق والقرف لأني اتربيت على إيد حسين كمال وجلال الشرقاوي وإيناس الدغيدي ويسرا ويحيى الفخراني، ومفيش مخرج كبير مشتغلتش معاه ومفيش ممثل مشتغلتش معاه،
فمتعودتش على الأسلوب اللي إحنا ماشيين بيه دلوقتي".
يذكر أن آخر أعمال شمس مسلسل "بأثر رجعي" الذي عرض عام 2022، وخاض بطولته مي سليم ومحمد عز وتوني ماهر وهالة فاخر وهاجر الشرنوبي ومن إخراج معتز حسام. هنا
فيديو قد يعجبك:
