بعد تصدرها "التريند".. لماذا اعتذرت منى زكي لابنتها لي لي؟

كتب- مروان الطيب:
تصدرت النجمة منى زكي محرك البحث جوجل وعدد من تطبيقات مواقع التواصل الاجتماعي منها موقع "X" خلال الساعات القليلة الماضية وذلك بعد حلولها ضيفة على برنامج "كلام نواعم".

وتطرقت "منى" في حديثها بالبرنامج عن التفاصيل الخاصة بحياتها الشخصية وعن ابنتها "لي لي" وعن عدم فهمها كيف تربيها بطريقة صحيحة بفترة طفولتها وأنها دائمًا ما تعتذر لها عما بدر منها.

وقالت: "أنا كنت حازمة أوي مع بنتي أكتر من الصبيان لأنها كانت أول بنت ليا وكنت صغيرة في السن ومتخيلة أن الصح صح وكل حاجة بنظام اوي وغلاسة وفيه عقاب وكنت سخيفة".

واستكملت: "يعني بعتذر لها طول الوقت عن سخافتي بس بعد كده اتعلمت هي مسمهاش عقاب هي اسمها عواقب، اسمها عواقب اللي انتي بتعمليه او اللي انت بتعمله هيبقي كذة لازم طول الوقت تحاولي تفكريهم بالعواقب مش العقاب".

مضيفة: اتعلمت ده مؤخرًا أكيد كلنا كأهالي غصب عننا أعصابنا بتفلت أنا لغاية دلوقتي ساعات الاقي نفسي بزعق لان احنا بني آدمين برضه بتعصب بس برجع اعتذر لهم".

وأنهت حديثها قائلة: "لما يجيلك اكتئاب بعد مثلًا فشل حاجة أو كده هو مهم أوي الآخر يساندك بس في نفس الوقت مهم أوي إن انتي كمان متأفورش في الإحساس، وانتي كمان تحاولي تعدي الاحساس ده وتخليه سلس وتعرفي ان أهم حاجة هي العيلة هي دي اللي باقية هم دول البني آدمين الحقيقيين اللي باقيين لك وهيفضلوا معاكي".

وعرض لـ منى زكي مؤخرًا مسلسل "تحت الوصاية" بموسم دراما رمضان الماضي وحقق نجاحًا جماهيريًا كبيرًا كما فازت عنه بجائزة أفضل ممثلة دور أول ضمن فعاليات حفل توزيع جوائز مهرجان القاهرة للدراما والذي أقيم بمدينة العلمين الجديدة.

يذكر أن منى زكي تشارك بعدد من الأعمال السينمائية لم تُطرح بعد، منها فيلم "الجواهرجي" بطولة النجم محمد هنيدي، وفيلم "القاهرة مكة" بطولة محمد ممدوح وخالد الصاوي، إلى جانب فيلم "السرب".

View this post on Instagram

A post shared by Aghani Aghani - أغاني أغاني (@aghaniaghani)