عمر الشناوي وزوجته بصحبة نجلهما في أول يوم مدرسة- صور

كتبت- شهد القاضي:

شارك الفنان عمر الشناوي متابعيه صورا تجمعه بزوجته ونجله "حسن"، في أول يوم مدرسة.

ونشر الشناوي الصور عبر صفحته بموقع التواصل الاجتماعي، وعلق قائلا: "أول يوم لحسن في المدرسة، الحلو في الموضوع إن دي نفس مدرستي ونفس اليونيفورم ده كنت لابسه بس من زمن طويل.. جيل بيسلم جيل".

وتحدث الفنان عمر الشناوي، في لقاء سابق، عن علاقته بنجل زوجته "حمزة" ووالده الفنان محمد الكيلاني.

وقال خلال لقائه ببرنامج الستات ما يعرفوش يكدبوا المعروض عبر قناة سي بي سي: "حمزة ابن مراتي ومحمد الكيلاني عنده 10 سنين.. حمزة عايش معانا طول أيام الأسبوع الخمس أيام المدرسية واليومين الإجازة بيبقى مع باباه.. بقالنا 6 سنين عايشين مع بعض".

وأضاف: "هو ذكي ذكاء خارق مش طبيعي ومخه أكبر من سنه بكتير ودايما بيطلعني غلطان لما بنتناقش في حاجة ويسألني سؤال علمي برد عليه بكون فاكر أنا عارف أنا بقول إيه ألاقيه يروح قايلي الحاجة الحقيقية كده ونعمل سيرش عليها ألاقيه طلع إن هو اللي صح مش أنا".

وأردف عن الفنان محمد الكيلاني: "مبقاش صديقي دلوقتي لأن ولادنا أخوات فأنا بعتبره أخويا.. طالما فيه أطفال لازم الموضوع يتغير".

يذكر أن آخر أعمال الفنان عمر الشناوي مسلسل "مذكرات زوج" الذي عُرض في رمضان 2023، بطولة الفنان طارق لطفي والفنانة عائشة بن أحمد.