إيمي طلعت زكريا تكشف عن مرض والدها: "بابا مات وصحي"

كتبت- نوران أسامة:

تحدثت الفنانة إيمي طلعت زكريا، عن مرض والدها والفيروس الذي أصابه، وذلك خلال لقائها في بودكاست أمل غرايبة.

وقالت إيمي: "بقعد أقول أنت عملت إيه يا بابا في دنيتك عشان تقعد مريض الفترة دي كلها، فترة المرض دي أبويا ده كان جبل.. الفيروس اللي جاله في 2008، أنا كنت بسمعه بيتألم في حين أنا عمري ما شوفت بابا بيتوجع، فـ الجبل ده مرة واحدة أتهد، فيروس محدش عارف هو إيه بيجي لواحد في المليون وبابا كان تصنيفه الحالة الخامسة في العالم، أنا شايفة أبويا بينهار وأحمد السقا بيجيب دكتور مخ وأعصاب ويسرا تجيب كونسلتو عشان يشوفوا الموضوع وأشرف زكي برضو، ومش عارفين فيه إيه".

وتابعت: "وجاتله غيبوبة 21 يوما وسافر بره، وعمل كل حاجة أشعة رنين وكل حاجة عشان يبان التشخيص ومحدش عارف، يعني بابا مات وصحي بجد، وهو في الغيبوبة حكى ده".

وأضافت: "وقال كان بيشوف ناس وشها أسود وشاحب اللون كان درس كبير ليه، وكان بعد فيلم طباخ الريس كان داخل في حتة تانية والملايين هتدخل عليه كان محقق نجاح جامد بس ربنا اختاره وخلص فيه في الدنيا من رحلة المرض اللي في الدنيا، بابا كان أبسط طموحه يقف على رجله، يعني طلعت زكريا اللي الناس شايفاه ده مكنش بيقدر يقف على رجله ولما كان بيقف لوحده كان بيفرح، بابا من الناس اللي تعبت".

يذكر أن، آخر مشاركات الفنانة إيمي طلعت زكريا كانت بمسرحية "الصندوق الأحمر" بطولة الفنانة ليلى علوي وتم عرضها ضمن فعاليات "موسم الرياض" بالمملكة العربية السعودية وحققت نجاحًا كبيرًا.

اقرأ أيضًا:

إيمان العاصي تكشف كواليس "خناقة" عز ونور الشريف في مسجون ترانزيت: أنت أحق

بعد واقعة التحرش وصدور حكم لصالحها.. هلا السعيد تتصدر تريند جوجل