آمال ماهر عن شائعات خطفها وتعذيبها: "قرايبي قالولي ابعتي صوتك عشان نطمن"
الفنانة أمال ماهر
كتب- مروان الطيب:
حلت الفنانة آمال ماهر مساء أمس الجمعة 9 فبراير، ضيفة على برنامج "الحكاية" تقديم الإعلامي عمرو أديب ويعرض على قناة "Mbc مصر".
وعلقت آمال على تداول البعض شائعة خطفها وتعذيبها خلال الفترة الماضية، وهو ما أثار القلق في نفوس من حولها من أصدقاء وكذلك أفراد أسرتها، حتى أن بعضهم طلب منها أن ترسل رسالة صوتية لهم ليطمئنوا، حسب تعبيرها.
وعلقت "آمال": "لو هتكلم على حاجة زي كده هقولك إنها مضايقتنيش لكن فرحتني لأن ده يدل على حب والحمد لله على محبة الناس بس أنا بطمنهم وطمنتهم وبطمنهم برضه تاني أنا بخير مفيش أي حاجة خالص ودي كانت مجرد إشاعات زي إشاعات كتير جدًا بتحصل في الوسط، وفيه حاجات بترد سريعًا وفيه حاجات بتقول لأ خلاص بقى اللي يقول يقول".
واستكملت: "ويمكن أنا تعبي ومرضي ساعتها كان مأجل أني أطلع أقول للناس أنا كويسة، بس حقيقي أنا من فترة قلت أنا كويسة ومفيش أي مشكلة ودي كانت مجرد إشاعات وبتحصل كتير جدًا، بس هي يمكن كانت بزيادة شوية المرة دي بس حقيقي الحمد لله أنا بخير، واتقال عليا مخطوفة واتجوزت لأ حاجات كتير طلعت يعني".
آمال ماهر: اصحابي وقرايبي كانوا بيقولولي ابعتي صوتك عشان نطمن انك كويسة
— الحكاية (@Elhekayashow) February 9, 2024
يعرض الآن مجاناً على شاهدhttps://t.co/LayFZOKEEy #الحكاية#MBCMASR pic.twitter.com/Cv1ws6Cczj
وعن شائعات خطفها وتعذيبها: "كان بيتقال عليا بتعذب وقرايبي قالولي ابعتي لنا صوتك عشان نطمن عليكي يا اما هنجيلك، وقعدت شوية مخضوضة ومكانتش حاجة سهلة يعني ووصلت أني بقول للناس والله ما فيا حاجة والله أنا كويسة بشرح للناس اللي انا معرفهمش أي حد بيقابلني في أي مكان حتى ابني عمر كانوا بيسألوه مامتك كويسة وهو يتنرفز ويقولهم في إيه يا جماعة ماما كويسة ويقول كده يقولوا احنا مش مصدقينك قلت له خلاص ما تردش".
آمال ماهر تحدثت خلال اللقاء عن ألبومها الجديد ووجهت الشكر لكل فريق العمل من شعراء وملحنين وموزعين، مؤكدة أنها حرصت على اختيار موضوعات مختلفة لتقديمها للجمهور.
آمال ماهر: اصحابي وقرايبي كانوا بيقولولي ابعتي صوتك عشان نطمن انك كويسة
— الحكاية (@Elhekayashow) February 9, 2024
يعرض الآن مجاناً على شاهدhttps://t.co/LayFZOKEEy #الحكاية#MBCMASR pic.twitter.com/Cv1ws6Cczj
فيديو قد يعجبك:
