"مقدرش أقف دقيقتين على بعض".. بيومي فؤاد يكشف تفاصيل إصابته في القدم

كتب - معتز عباس:

كشف الفنان بيومى فؤاد، عن تفاصيل تعرضه لوعكة صحية شديدة، أثناء تواجده في دولة الإمارات، وظهوره في عزاء زوجة الفنان خالد زكي وهو يتكئ على عكاز.

وقال "فؤاد"، في لقائه ببرنامج "صاحبة السعادة"، المذاع على فضائية "دي إم سي"، مساء الثلاثاء، إنه كان لديه مشكلة في الوقوف على قدميه لمدة أكثر من 7 دقائق، متابعا: "رجلي بتوجعني من الوقفة البسيطة، في مشاهد كنت بقف 7 دقائق أثناء التصوير، لكن بيحصلي تنميل في عصب رجلي، وبعد كدا مبقتش أقدر أقف دقيقتين على بعض ولازم أقعد على الكرسي، بمجرد أقعد الدنيا بتختلف تماما".

وأضاف: "الطبيب أشرف ناهد محرم شرح لي إيه اللي بيحصل.. في قناة في آخر ضهري هى اللي بتسمح بمرور الدم للأطراف في الرجل، لكن طول ما أنا واقف القناة دي بتفضل تضيق ويحصل تنميل في رجلي".

وتابعت: الموضوع بقى وأنا واقف مش قادر أقف ولازم أسند على حاجة عشان الألم يخف شوية وأقدر أقف على رجلي

واستكمل: حصل لي موقف أثناء عرض خاص لفيلم قعدت على الأرض، لأن الوقفة والماشي كانوا عاملين ليا مشاكل كبيرة في رجلي، وجهزت تقارير طبية عشان أسافر ألمانيا لكن معرفتش عشان كانت عندي تصوير وأعمال كتيرة لازم تخلص".

يشارك بيومي فؤاد في السابق الرمضاني في مسلسل "الكبير أوي 8"، رفقة أكبر نجوم الفن، أحمد مكي، هشام إسماعيل، الفنان حسين أبو حجاج، الفنان حاتم صلاح، الفنان عبدالرحمن ظاظا، الفنان محمد جمال قلبظ، الفنان مصطفى غريب، تأليف مصطفى قمر ومحمد عز الدين، إخراج أحمد الجندي.

اقرأ أيضا..

يحمل "صقر" أحدث ظهور لـ محمد رمضان.. والجمهور يعلق