حورية فرغلي لبرنامج"وش تاني": "تليفوني مبيرنش وجيل الهوانم كله بيسأل عليا"

حلت الفنانة حورية فرغلي، ضيفة ببرنامج "وش تاني" الذي يعرض عبر قناة اليوتيوب الرسمية لموقع مصراوي، ويقدمه الإعلامي مصطفى ياسين.

وتحدثت حورية فرغلي، خلال الحلقة عن كيفية مصالحتها لنفسها، وسبب ابتعاد أصدقائها عنها، قائلة: "أول حاجة بصلي وأستغفر وأول ما بصحى من النوم باخد ورقة وقلم وأكتب أنا عملت إيه من أول اليوم.. إيه عملته غلط وإيه عملته حرام، أنا عشان لوحدي ومعنديش صحاب مبتكلمش عن الناس وتليفوني مبيرنش".

وتابعت: "مبقتش الفرخة اللي بتبيض بيضة دهب ليهم وكلهم كانوا بيستفيدوا مني وأول ما ابتديت أعمل العمليات وأسافر وأدفع ملايين في عمليات صعبة وخطيرة كله بعد عني".

وأضافت: "واللي بيكلمني دايما دسوقي محمد دسوقي كان معايا في مسلسل (ساحرة الجنوب) ونبيلة عبيد ومدام صفية العمري كانوا كل يوم يسألوا عليا.. وجيل الهوانم كله بيسأل عليا، لكن جيلنا احنا مفيش حد بيسأل عني".