ماذا قال جميل برسوم عن عادل إمام قبل رحيله؟
جميل برسوم
كتب - معتز عباس:
أعلن الأب بطرس دانيال رئيس المركز الكاثوليكي للسينما، وفاة الفنان جميل برسوم، في الساعات الأولى من صباح اليوم.
ونشر برنامج "ET بالعربي"، فيديو أخر لقاء للراحل جميل برسوم، على هامش تكريمه في ختام مهرجان المركز الكاثوليكي للسينما في دورته الـ 72، منذ أسبوع مضى، على الصفحة الرسمية على موقع تبادل الصور والفيديوهات "إنستجرام".
وقال "برسوم"، في لقائه ببرنامج "ET بالعربي": "أنا حاسس إن التكريم اتأخر شوية بس جاء في وقته، أنا ليا أصدقاء زي حسن حسني أتكرم وقالهم بتكرموني على أخر أيامي لما قربت أتوفى.. استلم الجايزة وبعد 3 شهور توفى، أنا دلوقتي على قيد الحياة بتكرم وأنا عايش الحمد لله".
وفي لقائه مع فضائية "صدى البلد" قبل رحيله، تحدث جميل برسوم عن عادل إمام وعائلته، قائلا: "معقوله رامي يبعتلي وأبقى مش عايز اشتغل معاه؟!، هو بيطلبني للشغل بشياكة بيخليني أقوله عايز أبقى معاك، غير واحد تاني يقولك بتعالي أنت معايا في المسلسل الجاي حضر نفسك".
وأكمل: "أنا شوفت عادل امام عن قرب وكنت قاعد معاه في الفيلا بتاعته بنصور مسلسل فلانتينو، ولقيت واحدة بتبوسه قولتله مين دي، قالتلي مش شايفني ببوسه أنا مراته، قولتلها كان نفسي أشوفك من زمان يا مدام هالة وسلمت عليها ودي كانت أول مرة أشوفها، ومحمد إمام مختلف تمامًا عن والده".
وأكمل: "الشغل رزق وأنا راضي برزقي، لو جالي مشهدين في الشهر نعمة أبوس أيدي، لأن اللي بيوزع الأدوار لما بيجيله سكربت لمسلسل بيبقى في دماغه 70 واحد، لما يختارني أنا بحمد ربنا على الاختيار ولو مجاليش يبقى مش بتاعي يبقى بتاع غيري".
يذكر أن الفنان الراحل جميل برسوم ، شارك في حوالي 100 عمل، منها: "الفيل الأزرق، أنا و ابن خالتي، ولاد العم، تحت الوصاية، ستهم، بره الصندوق، فلانتينو، حكايتي، نصيبي وقسمتي، أوان الورد" وغيرها.
View this post on Instagram
اقرأ أيضا..
موعد جنازة الفنان جميل برسوم
فيديو قد يعجبك:
