"دموعي نزلت من كتر الألم".. شريف إدريس يكشف طبيعة مرضه

كتبت- بهيرة فودة:

كشف الفنان شريف إدريس عن طبيعة مرضه، وهو التهاب حاد في الأعصاب وتشنج في عضلات الظهر.

وكتب إدريس منشورًا، عبر صفحته الرسمية بموقع"فيسبوك"، :" صباح الخير..شكرا من قلبي لكل الحبايب اللي بيحاولو يطمنوا عليا من امبارح..وبعتذر عن عدم ردي".

وأضاف:"بإختصار شديد بقالي فتره ضهري تاعبني ومأثر على رجلي لأن عندي انزلاق غضروفي في الفقرات القطنية وأهملته..وكنت بستحمل وماشي بمسكنات..إمبارح كنت بجيب حاجات للبيت مع مراتي وبدأت اتعب بشكل غير طبيعي وفجأة حصلي تخشب تام في الجزء السفلي مع كل أنواع الألم اللي ممكن تتخيلوه..وحاولت اتحمل واخد مسكن لكن الوضع تحول إني في لحظة حسيت إن ضهري هيتكسر حرفياً وألم في جميع أطراف رجليا الأتنين ودموعي نزلت من كتر الألم حقيقي".

وتابع:"روحت مستشفى وادي النيل اللي بشكر كل طاقم الطوارئ فيها..عملت أشعة مبدئية الدكتور قالي أنا كنت هدخلك تعمل رنين بس من اللي شايفه من الأشعة مش هينفع ومش هتقدر تستحمل حتى جهاز الرنين ووراني شكل عضلات ظهري وهي تشنج حرفيا ..علقولي محاليل مسكنات وكتبلي أدوية امشي عليها لمدة خمس أيام راحه تامه..وبعد كده اعمل رنين وابدأ رحلة علاج..بس بأمانه أنا شفت وحسيت بألم لا يمكن وصفه نتيجة التهاب حاد في الأعصاب ..الحمد لله علي كل شئ ..بشكركم".

يذكر أن أخر أعمال شريف إدريس مسلسل"سوق الكانتو" 2023، بطولة أمير كرارة، مي عز الدين، فتحي عبد الوهاب، محمود البزاوي، تأليف هاني سرحان، إخراج حسين المنباوي.

اقرأ أيضا:

ياسر جلال لـ"مصراوي": جيلي فتح عينيه على "ألف ليلة وليلة".. و"جودر" نص جميل

يسرا تنعى جميل برسوم: "المتواضع صاحب الخلق"