ماجد الكدواني يكشف عن الأسباب التي جعلته يذهب لـ طبيب نفسي

كتبت- نوران أسامة.

حل الفنان ماجد الكدواني ضيفاً في برنامج " Big Time Podcast"، المذاع على شاشة قناة "mbc1" وتحدث خلال لقائه عن سبب ذهابه لـ طبيب نفسي.

وقال الكدواني: "تراب الماس كان شخصية مستفزة جداً وعميقة، وكنت بتكلم مع كريم عبد العزيز ومروان حامد، واكتشفنا إن إحنا فعلاً متأثرين بـ الشخصية، وبعدها بسنة مراتي وابني يوسف قالولي أنت مش أنت روح لدكتور نفسي، ومروان حامد قالي مش عيب روح".

وتابع: "روحت واكتشفت أني حبيت الشخصية أوي، ومروان حامد قالي تعبير رهيب في الشخصية دي قال وليد سلطان ده المتعة المحرمة، لأن كل إنسان فينا جواه، عايز يعمل كل اللي نفسه فيه من غير حساب ولا تأنيب ضمير ومن غير جلد ذات، ولا خوف من عقاب زمن غير لوم ولا قيم كل إنسان عايز يعيش زي ماهو عايز، فـ لما روحت للدكتور قالي أيوه إذا فيه شخصية دخلتك هي بتفضل موجودة في العقل الباطن".

ويستضيف برنامج "Big Time Podcast" نخبة من ألمع النجوم في مختلف المجالات سواء الفنية أو الرياضية وحتى الاجتماعية ويعرض طوال شهر رمضان تقديم الإعلامي عمرو أديب برعاية المستشار تركي آل الشيخ رئيس الهيئة العامة للترفيه بالمملكة العربية السعودية.