أحمد جلال عبد القوي يكشف لأول مرة تفاصيل دخوله مصحة لعلاج الإدمان

كتب- مروان الطيب:

حل الفنان أحمد جلال عبد القوي ضيفًا على برنامج "كلام الناس" تقديم ياسمين عز ويعرض على قناة "Mbc مصر".

وتطرق أحمد جلال عبد القوي، للحديث عن ابتعاده مؤخرًا عن الساحة الفنية، وعن دخوله في أزمة نفسية بسبب تعاطي المخدرات، إلى جانب تفاصيل علاجه بأحد مصحات الإدمان، كما كشف عن أسرار وكواليس تخص حياته الشخصية لأول مرة.

وعن دخوله مصحة لعلاج الإدمان، قال: "الحمد لله الدنيا تمام ومفيش أي حاجة والقضية اتحفظت وفي حد وقف معايا هو اللي خلاني أدخل المصحة وكان لازم أرد له الجميل ودخلت واتعلمت حاجات حلوة أوي جوه، ولما دخلت قولت لنفسي الحمد لله أنا في نعمة لأن في ناس جوه اتعودت إنه يخرج ويدخل لدرجة أن فيه كلمة سمعتها جوه المصحة دي كلمة غلط أصلا واسمه مكان علاجي وكنت بسمع جملة داخل داخل، خارج خارج ، ضارب ضارب، راجع راجع".

واستكمل: "فيه ناس عايشة كدة جوه ودول اللي معندهمش إرادة ولا حياة قبل كده يعرف يمارسها بعد ما يخرج، وخلاص هو عايش حياته كده، ودول بيبقى عندهم مشكلة مبيبقوش عايزين يتعالجوا وعشان كده بيتقالوا وهو خارج دي فاتورتك واللي أنت هتعمله بعد ما تخرج دي فاتورة تانية، وأنا غيرت حياتي في كل حاجة رغم أن عندي شوية مشاكل بمر بيها تخلي أي حد في الدنيا يتجه لأسهل طريق بس أنا معملتش ومش هعمل كده".

View this post on Instagram

A post shared by MBC Masr (@mbcmasrtv)

وتم نقل الفنان أحمد جلال عبد القوي إلى المستشفى مطلع شهر مايو العام الماضي، عقب العثور عليه في حالة إعماء، إثر معاناته من هبوط حاد في الدورة الدموية.

اقرأ أيضا:

قبل زواجها الليلة.. 43 صورة من خطوبة وعقد قران ريم سامي

ممثل أمريكي يطالب بعزل نتنياهو ووقف فوري لإطلاق النار في غزة