"اتدمرت نفسيا".. هنا الزاهد تكشف عن أزمة والدتها الصحية

كتب- مروان الطيب:

كشفت الفنانة هنا الزاهد، تطورات الحالة الصحية لوالدتها، خلال حديثها في برنامج "صاحبة السعادة" مع الإعلامية إسعاد يونس على قناة "dmc".

وعن مرور والدتها بأزمة صحية قالت: "ده الوقت اللي أنا حسيت أني اتكسرت جدًا، وأنا كنت بصور ولقيت فرح بتكلمني بتقولي هنا الحقينا، وماما كانت عاملة الأشعات وكنا مستنين النتيجة وطلع عندها المرض الخبيث، وسمعت الخبر انهارت وكنت واقفة وقعدت مش عارفة أقف".

وأضافت: "اللي مالوش خير في أهله مالوش خير في حد، وأمي لما بروح شركات إنتاج بتبقى جمبي عشان تطمن عليا وبتبقى دايمًا معايا في كل حاجة في حياتي، وهي الحمد لله أحسن بكتير دلوقتي والفترة دي احنا التلاتة اتدمرنا نفسيًا".

وأكملت: "ودايمًا بدعي وبخاف أوي من فكرة أن في أي يوم يحصل أي حاجة والله مش عارفة هيجرالي ايه؟.

اقرأ أيضا:

هنا الزاهد عن الراحل طلعت زكريا وعلاقته بابنته: "كنت بغير منها وبقول يا بختها"

هنا الزاهد تتأثر بحديثها عن علاقتها بوالدها: "كان نفسي يكون قريب وناس كتير فاكراه مش موجود"

هنا الزاهد تتحدث عن طليقها أحمد فهمي: "منزلتش دمعة واحدة"