محسن محيي الدين عن علاقته بالراحل يوسف شاهين: "كان عايز يحتكرني واعتذرت عن كل أفلامه"
الفنان محسن محيي الدين
كتب- مروان الطيب:
حل الفنان محسن محيي الدين ضيفًا على برنامج "واحد من الناس" تقديم الإعلامي عمرو الليثي ويعرض على قناة "الحياة".
وتطرق محسن محيي الدين خلال حديثه عن علاقته بالمخرج الراحل يوسف شاهين، إلى جانب علاقته بالفنانة الراحلة داليدا ومشاركته لها بطولة فيلم "اليوم السادس"، وعن مشاريعه الفنية خلال الفترة المقبلة، وسبب ابتعاده عن الساحة الفنية مؤخرًا، إلى جانب كواليس وأسرار تخص حياته الشخصية كشف عنها لأول مرة.
وعن كواليس فيلم "اليوم السادس" للمخرج الراحل يوسف شاهين قال: "هو كان عايزني ألعب شخصية القرداتي بشكل زي قناوي من فيلم باب الحديد، وأنا عايز أخرج بره الموضوع ده، ويوسف شاهين عشان بيحب التمثيل أوي بيحاول يطلع موهبته هو كممثل في الممثل اللي قدامه".
وأضاف: "عشان كده كان أغلب الناس بيقولوا كل الممثلين بيمثلوا زي يوسف شاهين، وكان فيه خلاف بيني وبينه في حكاية الشخصية وتناولها، وأنا كنت في إسكندرية حر وكل ما كان يشوف موهبتي يحاول يخرج إحساسه التمثيلي فيا أكتر وبقيت مثلا في وداعًا بونابرت متكتف أكتر".
واستكمل: "بعد كده قلت له لأ أنا مبقتش مرتاح بقيت حاسس اني بعمل مجهود عشان خاطر أعمل الشخصية وأنا بالنسبة لي أهم حاجة أني لما ألعب الدور أبقى مبسوط ومرتاح، ورشحني بعد اليوم السادس في أفلام كتير زي المهاجر واعتذرت عن كل أفلامه".
وتابع: "لأن كل مرة يبعت لي حد كان يقولي لو وافقت ممكن يوقف ويعيد التصوير من تاني وأقوله لا شكرًا مش عايز اشتغل، وبحب وأنا شغال أبقى حر حتى لما جه في فترة طلع عليا أني محتكرني، وهو شاف إن عندي معاناة مع إسكندرية ليه؟، وقولت له بعدها إنت ضرتني".
View this post on Instagram
واستكمل: "وقالي طب أعمل معاك احتكار، قلت له لأ شكرًا محبش حد يحتكرني، وأنا شوفته قبل وفاته وبعد ما عملت شباب على كف عفريت وكنا بنتواصل دايمًا بس كان فيه قرار أني مش هشتغل معاه لكن إنسانيًا بينا وبين بعض كان عادي".
اقرأ أيضا:
"تم الصلح".. جوري بكر تعلن عودتها لزوجها
فيديو قد يعجبك:
