" #يعنى_ايه_ست_بتسوق " .. هاشتاج يشعل تويتر

- يعنى لو شافت أوتوبيس فى المرايا .. تسيب العربية و تجرى

- يعنى ما تحاولش تعدى الشارع أمام واحدة سايقة لأن الانتحار حرام شرعا

- يعنى هى لوحدها فى الشارع ، و باقى الحاجات و الأشخاص اللى حواليها دول ديكور

- يعنى تبقى سايقة العربية بقالها 5 سنين و تدخل البنزينة تتلخبط التانك يمين ولا شمال

- يعنى لو عديت الطريق من أمامها و هى سايقة ، افتكر أجمل لحظات حياتك ، و اقرأ لك شوية قرآن ينفعوك فى آخرتك

- يعنى تقعد تركن عشرين ساعة و فى الآخر ما تعرفش

- يعنى فى كتير مننا بيسوق أحسن من الرجالة و بنعرف ناخد غرز محترمة زى الرجالة و أحسن

- يعنى تتفرج ع المحلات و هى سايقة

- يعنى تبقى فاهمة ان الراجل لازم يقف لها و تعدى قبله

تلك كانت بعض من التغريدات الكثيرة جدا التى تم اطلاقها خلال الأيام القليلة الماضية على موقع التواصل الاجتماعى تويتر مصحوبة بهاشتاج # "يعني _إيه _ست _بتسوق" ،

و هو الهاشتاج الذى أثار جدلا واسعا فى مصر بسبب سخريته الشديدة من قيادة المرأة و نتج عنه معارك كلامية بين بنات حواء ومنتقديها، دافعن خلاله عن أنفسهن بتوضيح المشكلات التي تواجههن أثناء القيادة لمجرد أنهن سيدات.

و من بعض الأراء التى دافعت بشدة عن قيادة المرأة تغريدة أطلقتها احدى مستخدمات تويتير قالت فيها " لما كل البلاوي من سواقة الستات اسألوا نفسكوا مين اللي بيسوق التكاتك والميكروباصات والتريلات؟ " ،

و نقلت صحيفة اليوم السابع المصرية عن المهندس محمد حازم المدير الإداري لصفحة قائد المستقبل لتعليم قواعد المرور، قوله " الإحصائيات الصادرة من الإدارة العامة للمرور في مصر تؤكد أن المرأة أكثر التزماً بقواعد المرور، والسرعة على الطريق، بالإضافة إلى التقيد بأماكن الوقوف، وأيضاً تحافظ على ارتداء حزام الأمان عن الرجل ، لكن الدراسات أثبتت أنهن أقل معرفة بأعطال السيارة، وطرق الصيانة الصحيحة، كما أنهن لا تفضلن المجازفة بالقيادة على الطرق الجديدة .

جدير بالذكر أن مصر من الدول التى يسمح فيها للمرأة بالقيادة من سنوات عديدة جدا ، و رغم ذلك فهناك دائما تعبير يستخدم بشأن قيادة المرأة للسيارة و هو " سواقة الستات " ، حتى أن بعض السيدات يستخدمن هذا التعبير أحيانا للسخرية من قيادة المرأة .

شاهد الصور التى تم نشرها مع بعض التغريدات