طريقة عمل طاجن بطاطس باللحمة

طريقة مميزة لعمل طاجن البطاطس باللحمة

الوقت

وقت التحضير : 20 دقيقة
وقت الطهي : 45 دقيقة
الوقت الكلى : 1 ساعة 5 دقائق

عدد الاشخاص:6

المقادير

• 6 x عدد بصلة
• 3 x معلقة كبيرة صويا صوص
• 3 x عدد فلفل أخضر حلو
• 3 x معلقة كبيرة سمن
• 2 ¼ x معلقة صغيرة ملح
• 1 ½ x معلقة صغيرة بهارات لحمة
• 1 ½ x معلقة صغيرة فلفل اسود مطحون
• 1 ½ x كيلو بطاطس
• 1 ½ x معلقة صغيرة كبابة صينى
• 1 ½ x كيلو طماطم
• ¾ x كيلو لحمة بتلو
• ¾ x معلقة صغيرة جنزبيل
• ¾ x معلقة صغيرة قرفة

الخطوات

ضعى سمن في اناء الضغط وقطعى بصلتين طرنشات وضعيهم علي السمن وقلبيهم إلى أن يعطيك اللون الذهبى.

ضيفى اللحمة والصويا صوص والقرفة والجنزبيل والروزمارى ونصف معلقة فلفل والكبابة الصينى ونقلب اللحمة إلى أن تحمر معكى.

ضعى 4 حبات طماطم فى الخلاط وضيفيهم على اللحمة ونكمل بماء بحيث نغطى اللحمة تماما.

عندما يغلى الصوص اغلقى حلة الضغط واتركيها لمدة ربع ساعة على النار.

بعد ربع ساعة هتضيفى نصف معلقة صغيرة ملح وناخد قليل من الصوص بالكبشة و يترك جانبا فى كوب. واتركى اللحمة على النار فى باقى الصوص حتى ينشف وبعدها ترفع من على النار وتترك جانبا.

نقطع البطاطس ترانشات ونحضر بصلتين ونقطعهم ترانشات.

ضيفى معلقتين سمن فى طاجن فخار على النار وضيفى ترانشات البصل ونقلب إلى أن تحمر.

ضعى نصف كيلو طماطم فى الخلاط وضيفى عصير الطماطم على البصل.

ضيفى على صوص الطماطم معلقة صغيرة ملح ونص معلقة صغيرة فلفل اسود ومكعب مرقة دجاج, واتركيه على النار حتى يتماسك.

ضعى ترانشات البطاطس فى الطاجن الفخار وضيفى كوب الصوص الى أخدتية من حلة اللحم وكملى بماء حتى تغطى البطاطس واتركيه يغلى فى الماء من 10 - 15 دقيقة.

ضيفى اللحمة على الوش وفوقها ترانشات فلفل أخضر وطماطم.

غطى الطاجن بورق فويل ويدخل الفرن على درجة حرارة 200 درجة مئوية لمدة نصف ساعة.

بعد نصف ساعة ازيلى الفويل وشغلى الشواية واتركى الطاجن تحتها 5 دقائق ليحمر الوجه.