ساندويتش فراخ ناجتس

5 قطعة عيش كيزر وسط نفتحه من الوسط بالكامل نصفين
5 قطعة برجر أو ناجتس جاهز و متشوح حسب التعليمات المكتوبة على الباكت (المستخدم هنا ناجتس مقلى معمول من وصفتنا هنا علي بوتاجاز "ناجتس بالكورن فليكس"
5 قطعة من الجبنة المغلفة شرائخ مخصوص لسندويتشات البرجر (أو ممكن جبنة فلمنك أو شيدر)
٢ ثمرة طماطم وسط مقطعة شرائح
١ ثمرة بصلة وسط شرائح
خيار مخلل شرائح
مايونيز وخس
نحط على نص الكيزر اللى تحت بالترتيب: قليل من المايونيز ثم خس ثم شريحة جبنة ثم الطماطم والبصل
ضيفى البرجر أو الناجتس ثم الخيار المخلل
حطى قليل من مايونيز (أو حسب الحاجة) على نصف الكيزر الفوقانى وأقفلى بيه الساندويتش
ممكن تزودي أى حاجة زي كاتشب أو شريحة جبنة تانى أو تشيلى اى حاجة حسب ما أسرتك تحب وبالهنا والشفا