طبق العيد: كفتة الحاتى

كفتة الحاتى من اشهر اكلات المطبخ المصرى.

الوقت

وقت التحضير : 10 دقائق
وقت الطهي : 15 دقيقة
الوقت الكلى : 25 دقيقة

عدد الاشخاص: 4

المقادير

• 50 x جرام دهن ضانى ((لية))
• 3 x عدد فص ثوم
• 2 x معلقة صغيرة كزبرة جافة مطحونة
• 1 x معلقة صغيرة ملح
• 1 x عدد بصلة (كبيرة)
• 1 x معلقة كبيرة بقدونس طازج
• ½ x كيلو لحمة مفرومة
• ½ x معلقة صغيرة فلفل اسود مطحون

الخطوات

1. هنفرم البصلة كويس ونصفى ميتها فى بولة ونسيبها على جنب.
2. هنفرم الثوم كويس مع الكزبرة والملح والفلفل.
3. هنفرم الدهن ونضيف كل المكونات على اللحمة المفرومة ونخلطهم كويس جدا.
4. هنبل ادينا بمية البصل وهنصبع الكفتة على أسياخ حديد للشوى أو على يد معلقة خشب مدورة لو مفيش أسياخ.
5. بعد تصبيع الكفتة هنشيلها من السيخ بحرص.
6. على نار عالية هنسخن طاسة ومعلقة زيت وهنضيف صوابع الكفتة ونقلبها بحرص لمدة 5 دقائق وبعدين نوطى النار ونقلبها لمدة 10 دقائق لحد ما تستوى وبالهنا والشفا.