أشهر الحيل التي يستخدمها الرجال لتبرير خداع النساء

 كتب - نرمين الجلاد وبسمة مشالي:

"مفيش راجل ما بيكدبش" هكذا برر بعض الرجال حيلهم وأساليبهم المبتكرة لخداع زوجاتهم أو حبيباتهم، للبحث عن علاقة خارج إطار "الزواج الممل"، ولأنهم يعتقدون بذلك أنها تحسن من علاقته الزوجية، وحلل البعض الآخر أن العلاقة الناجحة يجب أن تحتوي على قليل من الكذب والتجميل

ورصد "مصراوي" بعض الآراء لمعرفة أساليب وحيل الرجال المبتكره، للكذب على النساء.

قالت أماني إبراهيم " جوزي بينام والموبيل في جيبة، ولما حاولت أخده منه اتخانق معايا وحلف عليا طلاق ".

وأشارت مي محسن إلى أنها "اتخطبت" لراجل مُلتحي تظاهر بالتشدد والتدين، وبعد فترة اكتشفت عكس ذلك تمامًا قائلة: " اتخطبت لراجل قال الله وقال الرسول، وبالصدفة عملت بحث برقمة على "الفيسبوك" لقيته عامل أكونت تاني باسم مستعار وعليه صور مخله له مع سيدات أجانب".

وأوضحت فاطمة محمد أن خطيبها تركها وفسخ الخطوبة وحاول الرجوع لها، وفسر لها ذلك بأنه تعرض للسحر، قائلة " خطيبي سابني وراح لبنت عمه وحاول يرجعلي تاني وقالي أصل بنت عمي عاملالي عمل وسحر مخليني مش قادر أبعد عنها، بس أنا بحبك أنتِ ".

وقال محمد موظف في إحدى الشركات إنه كذب على خطيبته وقام بربط يده "بشاش" ليتظاهر بأنه مريض من أجل التهرب من هدية الفلانتين.   

وأوضح فريد أحمد أنه استلف سيارة من صديقة من أجل إقناع خطيبته أنه غني، قائلًا " استلفت عربية صاحبي وأقنعتها إني غني وبعد فترة قولتلها عملت حادثة ومحتاج 2000 جنية علشان أصلح العربية وخدتهم منها وفسخت الخطوبة ".

قال محمد البالغ من العمر 30 سنة: " هو مش كذب بس بحاول أبعد عن المشاكل، فعملت حساب على الفيس بوك باسم تاني وسايب الأكونت الأساسي معاها على طول".

وعلق باسم " بنتقد الرجالة اللي بتكذب وتخون زوجاتها قدامها، وده بيخليها تثق فيا وبشوف لمعة الفرحة في عيونها".

وقال ماهر البالغ من العمر 26 سنة " أنا بقعد في العربية تحت البيت نصف ساعة أعمل جرد للموبايل، خصوصًا " واتس آب".

قالت علا "كان جوزي بيجيله مكالمات كتير من واحد اسمه محمد الكهربائي وفى يوم رديت وهو في الحمام، ولاقيت صوت بنت ولما واجهته قالي اكيد مشكلة في الشبكة، أو أنتِ سمعتى غلط، وبعد سنة اكتشفت أنهم بيحبوا بعض من 3سنين".

وعلق أحمد "بعد ما أرجع من الشغل بتلكك واتخانق معاها، وبعدين أخرج مع البنات وأقولهم أنى مراتي نكدية وتعبانى في حياتى".