صينيون "ناصحين" عن البلاك فريداي: "عروض وهمية".. وفرنسي: "ببلاش"

كتب- أحمد عصام روّاي:

رصد موقع "مصراوي" عدد من آراء المواطنين الصينيين والفرنسيين الذين حضروا الـ"بلاك فرايداي" في "كايرو فيستيفال سيتي".

قال "ياسين عبدالله" -أحد الصينيين المسلمين المقيمين في مصر-: "البلاك فرايداي في مصر بحس الخصومات فيه مش حقيقية، أو بتحاول تخلي المستهلك يدفع فلوس أكتر، عكس الخصومات في الصين اللي بتكون حقيقية على الرغم من أن القيمة اللي مُعلن عنها أقل".

ووضح "ياسين" وجهة نظره بمثال، "عروض "اشتري قطعة واحصل عالأخرى مجانًا" هنا بتكون القطعة فيها بسعر القطعتين، وتلاقي عروض بقيمة 30% ولكن القيمة الإجمالية للخصم مش كبيرة".

وقال مواطن صيني آخر يُدعى "ليو"، "أن الخصومات في الصين بتكون بصورة دورية أكتر، يعني في عروض كل شهر، وفي كل مناسبة مثلًا، عكس مصر هنا بيحس أن العروض متقسمة على بداية الشتاء والصيف والبلاك فرايدي".

واستكمل "ليو" حديثه، "في الصين مبيكونش في زحمة كده، عشان معظم الشرا بيكون أونلاين".

وقال "لويس" -رب أسرة فرنسية أتت لمصر من أجل السياحة-: "البلاك فرايداي في مصر كان جميل، ونسبة التخفيضات هنا كبيرة جدًا، لإن صعب تلاقي خصم 50% على أي قطعة عندنا".

واستكمل "لويس" حديثه، "الأسعار بعد الخصومات هنا في مصر رخيصة جدًا، حقيقي استمتعنا بالتسوق هنا".