بالفيديو - خالد الجندى لـ"مبروك عطية": تهكّمت على المنتقبات وتركت الراقصات

القاهرة - مصراوي:
قال الشيخ خالد الجندى، عضو المجلس الأعلى للشئون الإسلامية، تعليقا على تصريحات الدكتور مبروك عطية، حول النقاب: "متخصص فى اللغة العربية، ولا علاقة له بالأمور الشرعية، طلع يتهكم على اللى لابسين نقاب، طب اطلع اتهكم على اللى لابسين هوت شورت، أو الراقصات".

وتابع الجندى، خلال حلقة برنامجه "لعلهم يفقهون"، المذاع على فضائية "dmc"، اليوم الخميس: "اللى بيقوله ده بينتهك الحرية الشخصية، كل واحد حر فى لبسه، ما دام يراعى الإجراءات الأمنية، مفيش حد فى عائلاتنا إلا عنده حد من أسرته إلا فيه منتقبة".

واستكمل الجندى: "يعنى واحدة، زادت فى العفة، تروح تطلع تقول لفظ فيه تحرش، وأنت مالك وعاوز أنوثتها في إيه، لازم الأزهر يطلع بيان يوضح الخلاف الفقهي حول النقاب، وإن العلماء لم ينكروه ولم يأمروا به".