بالفيديو| خالد الجندي: توقفوا عن الشائعات إحنا في حالة حرب

كتب- محمد قادوس:

قال الشيخ خالد الجندي، عضو المجلس الأعلى للشئون الإسلامية، إن الحياة في مصر تسير بصورة طبيعية، والأعمال والإنجازات على أرض الواقع في استمرار، رغم غلاء المعيشة، لافتا إلى أن رئيس الجمهورية يتحدث بكل صراحة وتقدير لمعاناة الناس، مما يتطلب منا أن نكون في حالة اصطفاف وطني.

وأضاف الجندي، خلال حلقة برنامج "لعلهم يفقهون"، المذاع على فضائية ""dmc، أمس الأربعاء: "أظن البعض مستنى اكلمك على الجنابة والطهارة وحكم السواك، طبعا الحاجات دى لها كل الاحترام، لكن احنا عندنا أهم من ذلك أحداث عالمية، العالم كله بيعانى من أزمة الحرب العالمية اللى شغالة، والموجات الترددية بتاعتها تختلف من بلد إلى آخر، الناس اللى قاعدة تنظر على السوشيال ميديا، إحنا فى حالة حرب، لازم نكون حساسين لأى كلام، لو قاعد فى المترو وحد من الفتايين اتكلم وبيفتى، لازم نوضح له الانجازات من المياه والكهرباء والمواصلات ووفرة السلع، والطرق التى لولاها لكانت البلد فى حالة شلل تام".

واستكمل الجندي: "طول ما أنا ماشى عمال اسمع اشاعات وكلام ومحاذير ومخاوف لا أساس لها من الصحة، رغم إن كل الحياة عادية، فالجامعات شغالة والمدارس شغالة، والمصانع شغالة، حتى المسارح والأوبرا، والبلد كلها شغالة، أيوة فى أزمات لكن ده فى العالم كله".