نعرة جاهلية.. رسالة خالد الجندي إلى جماهير الكرة: بلاش معايرة حتى لا تكون فتنة

كتب- محمد قادوس:

حذر الشيخ خالد الجندي، عضو المجلس الأعلى للشئون الإسلامية، من ما وصفه بنعرة جاهلية كاملة فى قلوب البعض، تحرك وتأجج صراعات ومحن بين الناس، مضيفا: "حضرتك شايف امك احسن منى على حاجة مش بايدك، انت فرحان لفوز نادى من النوادى، انما بتعاير النادى التانى ليه، انت مشجع، معملتش حاجة ولا لعبت ولا لبست اللعيبة ولا دربتهم، انت مجرد مشاهد بتعاير صاحبك اللى فريقه لم يفز ليه".

وتابع الجندي، خلال حلقة برنامج "لعلهم يفقهون"، المذاع على فضائية "dmc"، أمس الثلاثاء: "اى نادى فى العالم فاز كتير وانهزم كتير، هى كده كرة القدم، وصل الحال بالعجز الانساني انك تفرح بما لم تفعله، ويقولك لولا الجماهير، محدش وقف النادى غير ادارته ولاعبيه، مفيش جماهير، من سنين حتى الآن، برضوا عدد قليل، فاذن لا تنسب لنفسك بما لا تفعل، وتقعد تعاير الناس، يا اخى خليك فى حالك".

واستكمل: "انا عجبنى موقف سيدنا هارون، عمل اللى عليه نصح وقال لهم مينفعش، بس لم يستخدم القوة لكسر العجل الذهب اللى ييعبدوه، واكراه الآخرين على ما لا يحبه، وهذا من أجل عدم وقوع فتنة".