بالفيديو.. أستاذ فقه: الانشغال بالتصوير أمام الكعبة ينقص الأجر

02:50 م الخميس 01 يونيو 2023

تطبيق مصراوي

لرؤيــــه أصدق للأحــــداث

كتب-محمد قادوس:

قال الدكتور هاني تمام، أستاذ الفقه بجامعة الأزهر، إن الحج رحلة تدرب على تغيير منهج الحياة، مضيفا: "بلاش واحنا في الحج يبقى في جدال ومناوشات وخصام، وده خد السرير بتاعى وده الاكل مش كويس".

وأضاف تمام، خلال حلقة برنامج "البيت"، المذاع على فضائية "الناس": إحنا رايحين إلى الله، مش رحلة ولا فسحة ولا تنزه، لازم نتخلى عن كل السلوكيات الغريبة اللي بنعملها، لازم نغير من تصرفاتنا إحنا رايحين إلى الله، مش راييحن لعمل سيشن تصوير أمام الكعبة أو الروضة النبوية، كل الأمور دي بتنقص من الأجر".

واستكمل أستاذ الفقه أن الحج في تصرفات ظاهرة وباطنة، الباطنة دي إن الحاج دايما يستشعر وجود ربنا في قلبه، مينفعش في المكان الطاهر المبارك ده وتبقى كثير الكلام والخصام وشاغل نفسك بالتليفون والتصوير".

وفي فيديو أخر قال فيه تمام، إن هناك حيرة بين الناس، فى أيهما أقوم بها أولا الحج أم تزويج الأبناء، موضحا: "الأمر هنا خاضع لتقدير الشخص نفسه، لو أنا معايا فلوس وصار الحج فرض على يبقى لازم أطلع أحج في هذه الحالة، زواج الابن أو الابنة بيكون واجب يعنى لازم نزوجه وإلا يعمل مشكلة أو مندوب، يعنى مفيش معاه فلوس والحاجة ممكن تساعده وهتأخد ثواب".

وبين أن الحج ولا زواج الأبناء، ده بيخضع لتقدير الشخص نفسه، ممكن نأجل الحج مفيش مشكلة سنة تانى أو سنين، وهنأخر أجر على مساعدة الأولاد في زواجهم".