عمرو الورداني: يوضح معني مقوله" الحب يموت بعد الزواج"
الدكتور عمرو الورداني
كتب-محمد قادوس:
تلقي الشيخ عمرو الورداني، أمين الفتوى بدار الإفتاء المصرية، سؤال يقول،" هل ينتهى الحب بعد الزواج، وهل هناك أخطاء تقتل الزواج؟
فب رده، قال أمين الفتوى أول حاجة بس الجواز هو الأساس، وواحد من أهم التربات اللي تخلي الحب يبقى مستمر ومستدام، لأن الجواز مش بيموت الحب، لكن الجواز بيجعل الحب ينضج، ده الأساس، كده هو لازم ينضج.
وأضاف الورداني، خلال حلقة برنامج "مع الناس"، المذاع عبر فضائية "الناس": معنى فكرة إن الجواز مقبرة الحب دي خرافة، أنا بسميها من خرافات الزواج، إذا كنا بنتكلم عن الحب الرومانسي، فالحب الرومانسي بطبيعته مش مطلوب يستمر.
وأوضح أمين الفتوى تخيل إن الحب الرومانسي بالضبط كده عامل زي إيه؟ هنضرب أمثلة شوية كده.. خليني أقول آخر استشارة كنت شغال عليها.. اللي حصل هو إنها اضطرت تميل لحد بره إطار الزواج، وهو طبعا عرف لأنها كانت متجوزة عشان تحب وتتحب.. فبعد شوية، الحب هدأ وبدأ يخف.
وأشار الورداني إلى أنواع كثيرة من الحب، وهي الحب الرومانسي اللي هو الحب بتاع الدوبامين، ده فنحن لدينا قدرة مهمة، في حاجة اسمها هرمون الحب أبو بيستمر لمدة ثلاث سنين وبعد كده بيخفض ويبتدأ يتغير، فالحب الرومانسي أصلا مش مطلوب يفضل، قاعدين طول الوقت سايبين بقى هو سايب شغله وهي سايبه البيت ف قعدين بيكلموا مع بعض بيحبوا بعض طول الوقت.. اللي هيحصل هيجوا في وقت يحسوا إن الحب خداع.. ففكر إن الحب بيموت بالجواز هذه اكذوبة.. لكن الحب يتغير ويتبدل".
فيديو قد يعجبك:
