عفاف شعيب: ''اللي مالوش خير في مبارك مالوش خير في مصر''

كتب ـ محمد إبراهيم طعيمة:

انتقدت الفنانة عفاف شعيب مظاهرات الغضب التي خرجت اعتراضاً على الحكم ببراءة الرئيس الأسبق حسني مبارك ووزير داخليته ومساعديه، قائلة: ''اللي مالوش خير في مبارك مالوش خير في مصر''.

وقالت شعيب في مداخلة هاتفية مع المذيع وائل الإبراشي في برنامجه ''العاشرة مساءً'' على قناة دريم رداً على هجوم الناشط السياسي طارق الخولي عضو جماعة 6 إبريل: ''أولاً الأخ بتاع 6 إبريل ده واحد من المتآمرين على البلد، اعرف انت بتتكلم عن مين، انتوا شوية عيال عايزين تحكموا البلد، واتعلم لما تتكلم مع الأكبر منك تتكلم بأدب، ما تقعدوا في بيتكوا عشان البلد تمشي، الناس مش عارفة تأكل عيش''.

وأضافت: ''أنا زعلانة منك يا وائل بجد عشان أنت بتستضيف ناس مش كويسة، محدش يهين الجيش ولا حسني مبارك اللي حكمنا 30 سنة، اللي ملوش خير في حسني مبارك ملوش خير في مصر ولا في اللي جاي، لما تجيب ضيوف جيب ضيوف محترمين''.

يذكر أن الفنانة عفاف شعيب كانت من أشد المعادين لثورة 25 يناير منذ بدايتها، حيث شنت هجوماً حاداً على المتظاهرين المتواجدين بميدان التحرير، مؤكدة انهم سببوا لها أذاً نفسياً كبيراً بسبب عدم تمكنها من شراء ''ريش وبيتزا'' لأبناء شقيقها، مما تسبب في هجوم المتظاهرين عليها.

لمتابعة أهم وأحدث الأخبار اشترك الآن في خدمة مصراوي للرسائل القصيرة للاشتراك ...اضغط هنا