هنسمح بدخول الكتاب.. وزير التعليم يكشف منهج امتحان الثانوية العامة

كتب- محمد نصار:

قال الدكتور طارق شوقي، وزير التربية والتعليم والتعليم الفني، إن منهج امتحان الثانوية العامة ليس كتاب المدرسة فقط.

وأضاف شوقي، خلال مؤتمر صحفي، السبت: "المنهج هو إيه الدروس اللي خرجنا بيها من الدراسة "مخرج التعلم" ده يتفهم من الكتاب ومختلف مصادر التعلم الأخرى التي تتيحها الوزارة".

وتابع وزير التعليم: "السؤال هييجي من مختلف مصادر التعلم، في ناس تيجي تشوف سؤال تقول ده مش في الكتاب المدرسي، مين اللي يحكم السؤال صعب ولا سهل، زي ما اتفقنا اللي بيعمل الأسئلة دي عشرات الأساتذة ويتراجع عشرات المرات".

وواصل: "التصحيح علينا كلنا، مش هنعمل مسألة الحكم على السؤال، لما بتجيلنا النتيجة بنشوف وناخد عينات فيها عدد كافي من الطلبة ونصححهم تاني ونتأكد من الإجابات إن السؤال من المحتوى اللي خده الطالب".

وأكد طارق شوقي: "هنسمح بدخول الكتاب سواء جبنا كتاب قديم أو طبعنا نسخة من الجهاز، مش هنسمح بدخول أوراق تانية، وهذا متاح لكل الطلبة".