"احنا غلابة".. داليا مصطفى تعلن أجرها بعد تصريحاتها عن أجور الدروس الخصوصية

كتب- محمد عمارة:

قالت الفنانة داليا مصطفى، إن أجرها في الأعمال الفنية التي تشارك فيها، ضمن الفئة المتوسطة للنجوم.

وأضافت في تصريح لمصراوي، الأحد، ردا على تعليقات رواد السوشيال ميديا، بعد انتقادها ارتفاع أجور بعض المدرسين في الدروس الخصوصية التي وصلت إلى 900 جنيه في الحصة: احنا غلابة ومش لاقيين ناكل، أجري من الفئة المتوسطة ولا عمرها تيجي جنب موضوع الدروس.

وكان رواد التواصل الاجتماعي، علقوا على تصريحات الفنانة داليا مصطفى، بأنها وبعض الممثلين يتاقضون مبالغ مالية كبيرة في الأعمال الدرامية التي يشاركون بها، وهي لا تتعدى الساعات أيضا.

وأوضحت داليا مصطفى: لو هشتغل بالساعة كده، وجبت 100 طالب وكل واحد خدت منه 500 جنيه، لميت 50 ألف جنيه، يعني في ساعتين 100 ألف جنيه.

قالت الفنانة داليا مصطفى، إنها تشعر بصدمة كبيرة عند سؤالها إحدى صديقاتها عن سعر حصة درس كيمياء ساعة لـyear 10.

وأضافت داليا مصطفى في فيديو بث مباشر على صفحتها بفيسبوك: بسأل واحدة صاحبتي بقولها عايزة أدي ولادي درس للكيمياء، مش قادرة أتكلم، مصدومة، عارفين لما تتصدموا متبقوش قادرين تتكلموا، مصدومة جدا جدا، يعني year 10 في الآي جي، قولوا رقم، تخيلوا كام؟ حد يجاوبني، ها يلا، قول يا أكمل، الرجالة ممكن ميبقوش عارفين".

وأضافت داليا: قالتلي ٩٠٠ جنيه في الصحة، وليه مفيش كنترول، أنا آسفة إني بتدخل، وليه مفيش كنترول، اتفرجت على برنامج لميس وشفت إن الحكومة عايزة تتدخل، ايه ده؟ يعني ايه ٩٠٠ جنيه في الساعة، لو الأستاذ بيدي ٨ ساعات في اليوم يعني ٨ في ٩٠٠ جنيه بكام؟ أنا مصدومة من الرقم مش عارفة أحسبها، نقول بيدخل في اليوم ٧ آلاف جنيه، انتوا سامعني بقول ايه، أنا بتكلم معاكم في شيئ مهم جدا، أنا مش فاهمة، انتوا سامعني، أنا مش مصدقة.

اقرأ أيضا:

فنانة شهيرة.. ليه مدرس الكيمياء ياخد ٩٠٠ جنيه في حصة ساعة واحدة؟