منح وتعهد.. أول تعليق من الجامعة الأمريكية بشأن وقفة الطلاب احتجاجا على المصروفات

كتب- محمد عمارة:

قالت الدكتورة رحاب سعد المتحدث الرسمي باسم الجامعة الأمريكية بالقاهرة، إن الجامعة تعهدت بدعم أي طالب يثبت عدم قدرته على دفع المصروفات بعد تعويم الجنيه المصري خلال الفترة الماضية.

وأضافت في تصريح لـ"مصراوي": الجامعة أصدرت قرارات لمواجهة أثار التعويم منها "إن الطلاب اللي لسة هيدفعوا فلوس الترم هيكون فيه حاجة زي صندوق الطوارئ اللي بيها يقدروا يعوضوا الفرق".

وأوضحت رحاب: "الجامعة تتدخل وستدفع نيابة عن الطالب،
كمان خفضنا 10% على المصروفات للطلاب اللي هيدفعوا قبل 9 فبراير، غير إننا بنقدم مساعدات مالية ومنح دراسية كثيرة تقدر بـ39 مليون دولار في العام، وبعد التعويم زودنا 15% من ميزانية المنح الدراسية والمساعدات المالية وأصبحت 45 مليون دولار".

وأكملت المتحدث الرسمي: "
الجامعة مزودتش المصاريف، اللي حصل هو تعويم للجنيه المصري، بالتالي المقابل بالدولار زاد
بعد التعويم اللي حصل،
حوالي 40% من الطلاب بيتم عمل مساعدات مالية ومنح دراسية ليهم، وفيه حوالي 800 طالب بياخدوا منح كاملة ومش بيدفعوا أي مصروفات كاملة، والجامعة
واخدة تعهد إن ميبقاش فيه أي طالب يترك الجامعة عشان معندوش القدرة على الدفع، ده تعهد وستدعم الجامعة أي طالب يثبت إنه معندوش قدرة يدفع المصروفات".

كما أضافت، أن الوقفة الاحتجاجية لطلاب الجامعة، لم تشهد أعدادا كبيرة، وإدارة الجامعة كانت على علم بها، كما أن الطلبة نسقوا معنا في توقيتها.