سكبت البنزين على زوجها النائم وأشعلت به النيران.. تفاصيل كاملة (فيديو)

كتب - معتز عباس:

عرضت الإعلامية ريهام سعيد، تقريرًا لزوجة أقدمت على قتل زوجها إحراقًا بالنيران أثناء نومه إلى جوار ابنته الصغيرة، بسبب الغيرة والشك، معقبة: "ازاي واحدة تعمل كده في جوزها وبنته نايمة جمبه".

والتقت مقدمة برنامج "صبايا الخير"، الشاب الذي تعرض للحرق داخل بيته، والذي روي تفاصيل الواقعة، قائلاً: "أنا أول ما جيت من الشغل كنت تعبان ومراتي أول ما شافتني قالتلي هات المصروف وفلوس عشان أجيب ترنج للبنت، بديها 100 جنيه للبيت يوميًا، وأخدت 150 عشان تجيب ترنج للبنت".

وأضاف: "فلوس الورشة كلها رايحة للبيت ومش بقعد على قهاوي، وبشيل اللقمة من بقي عشان أديهالها، وعمري ما عملت حاجة وحشة والله ما بضيقها، انا كنت جاي من الشغل تعبان ومعملتش أكل ولا رضيت أنزل اجيب أكل عشان شاكة فيا وفكراني أعرف واحدة غيرها".

وتابع: "فضلت قاعد في البيت وجيت أعمل شاي قالتلي هعملها ليك وبعدين جالتي قالتي مفيش سكر، روحت مكمل نوم، راحت جابت جركن بنزين ودلقته عليا وأنا نايم وولقعت فيا عشان تحرقني وتموتني مش عارف ليه.. أنا ساعات بلاقيها مش بني آدم بتكون شيطانة وبتتغير 100 درجة، وفاكرة إني بحوش فلوس عشان أتجوز غيرها دي مكنتش بتخلف وفضلت أعالجها لغاية ما ربنا كرمنا ببنتنا جومانه".