كارثة.. لحوم الخنازير والحمير "كباب وكفتة وحواوشي"- فيديو

كتب - معتز عباس:

عرضت الإعلامية جيهان عفيفي، مقدمة برنامج "سكوب"، على فضائية "LTC"، تقريرًا من داخل مكان لبيع الخنازير والكلاب والحمير، بمنطقة أرض اللواء.

وظهر في الفيديو شخص يطلب شراء لحوم الخنازير؛ لاستخدامها في "الكباب والكفتة والحواوشي"، دون أن يلاحظ الزبائن الفرق، ليرد عليه البائع: "كيلو اللحم الصافي 70 جنيهًا، بالعظم 25، واللي يخليك تجيب لحمة عجول بـ140 جنيهًا ما تجيب من ده، وخد بيهم 3 أو 4 كيلو، ولحمة الخنزير مش بتفرق عن لحم العجول، ده بلدي وده بلدي".

وأضاف البائع: "هناك محلات أخرى تشتري منه لتصنيع الحواوشي والكفتة، والطعم لا يختلف عن اللحم البلدي، بل طعمه أحلى من لحم الحمير"، متابعًا حديثه: "مش شغلتي اللي بيشتري يعمل بيه إيه، إحنا بنبيع ومنعرفش حاجة، وكل واحد أدرى باللي بيعمله، والخنازير مسموح ببيعها وحاجة مش ممنوعة".

واختتم: "اللحمة دي مطلوبةـ، ومحدش يقدر يفرّقها عن البلدي، وإن شاء الله مطعمك هيكون من أشهر مطاعم منطقتك، وبيتصنع من اللحمة دي الحواوشي واللانشون".