"طبيعي الأسعار ترتفع.. ولست صاحب قرار".. عكاشة منفعلًا على المواطنين
07:07 م
الإثنين 03 ديسمبر 2018
كتب - حاتم أبوالنور:
انفعل الإعلامي توفيق عكاشة على الهواء، في أثناء حديثه عن ارتفاع الأسعار، موجهًا حديثه إلى المواطنين قائلًا: "الموضوع بسيط جدًّا.. إنت حرقت البيت اللي قاعد فيه، بعدين رجعت تاني تعيد إصلاحه، فشيء طبيعي تمن أوضة الصالون اللي هتشتريه جديد هتكون غالية والسفرة والأنتريه والنوم، اللي هتنام عليه أنت ومراتك، ولا داهية ما خليتكم نمتوا".
وأضاف عكاشة، خلال تقديم برنامجه "مصر اليوم"، المذاع عبر فضائية "الحياة"، قائلًا "شيء طبيعي جدًّا الأسعار ترتفع، لأن سعر إمبارح بتاع أوضة النوم اللي لا داهية تجعلك تنام عليها أنت ومراتك سعرها كان من 10 سنين غير سعرها النهارده، إنت بقى حرقت، هتشتري بأسعار 40 سنة فاتت ليه الزمن وقف عندك؟! ولّا هتشتري بأسعار النهارده".
وتابع الإعلامي: "شيء طبيعي أن الأسعار ترتفع، ولكن ليس معنى إني أقول ده شيء طبيعي إني أؤيد ارتفاع الأسعار، لكن مفيش قدام مني غير ده، أنا لست صاحب قرار، أنا كإنسان مش هاختار إذا كانت الأسعار ترتفع أو لا ترتفع، أنا مش صاحب اختيار، لأنه لا يوجد أمامي أي خيار".
فيديو قد يعجبك:
