أسامة كمال: صعب الناس تتقبل تذكرة المترو بهذا السعر - فيديو

كتب - معتز عباس:

قال الإعلامي أسامة كمال، إنه في أول الثمانينات، تعرضت القاهرة لشلل مروري بسبب إنشاء مترو أنفاق، وكانت الناس حين ذاك غير راضية ومرهقة، والرحلة التي كانت مدتها ساعة ، كانت تصل لنصف يوم.

وأضاف "كمال"، خلال تقديمه برنامج "مساء dmc"، المذاع على فضائية "DMC"، اليوم الجمعة، أن الناس التي كانت تعيش بعيدة عن مسار الحفر كانوا يشكرون الله أنهم بعيد عن المترو، وبعد انتهاء حفر المترو، وافتتاحه منتصف الثمانينات ، كانت هناك زيارات عديدة من قبل المواطنين وطلاب المدارس لمشاهدة مترو الإنفاق".

وتابع: "الناس مبسوطة ان المترو بتديره شركة فرنسية والدنيا ماشية زي الفل وفى الوقت ده كانت تذكرة القطر اللي كان ماشي ف نفس المسار قبل المترو قرشين صاغ وعارف أن 90% من المصريين النهاردة ما يعرفوش القرش صاغ من قرشين صاغ وقتها لربع جنيه كانت نقلة ف الأسعار بس المترو كان يستاهل".

وأكمل: "النهارده عايزين مترو زي الناس وده حقنا، بس مش عايزين ندفع وكلنا بنفكر كده، بس بقى صعب، صعب الناس في مصر تقبل المترو في حالته دي والمعاناة اللي فيه وصعب نقبل السعر اللي أتغير من النهارده".