على طريقة فيلم "العفاريت".. شخص يستغل أطفال الشوارع في تجارة المخدرات - فيديو
11:51 م
الإثنين 21 يناير 2019
كتب- معتز عباس:
عرض برنامج "مساء DMC"، المذاع عبر فضائية "DMC"، فيديو يبرز استغلال أطفال الشوارع في تجارة المخدرات بمدينة طنطا التابعة لمحافظة الغربية.
وظهر بالفيديو شاب مع طفل يبلغ من العمر 8 سنوات، يتم استغلاله في تجارة المواد المخدرة، بالإضافة إلى تعاطي تلك المواد.
وقال محمد أبو ليلة، مصور الفيديو، خلال مداخلة هاتفية مع البرنامج، اليوم الإثنين، إن الطفل يتسول ويكسب أموالًا من "الشحاتة"، لكي يتعاطى الحشيش والمخدرات كل يوم ليلًا مع مجموعة من الأطفال عددهم 15 طفلًا.
وأضاف أبو ليلة: "كنت قاعد مع الطفل لقيته بيولَّع سجاير، وحكى لي إنه كان في ملجأ في إسكندرية، وواحدة أخدته من الملجأ ونزلت على طنطا، وهو بييجي يقعد في سايبر نت مع 15 طفلًا بالليل، وبعدين يخرجوا من السايبر ويقعدوا يشربوا حشيش".
وتابع مصور الفيديو: "كل طفل من دول بيعمل من فلوس الشحاتة مش أقل من 90 جنيهًا، بيصرفوها على الحشيش، وفيه شخص عمره حوالي 30 سنة بيسرَّحهم لبيع المخدرات، من بلد اسمها أبو جمالة في طنطا، وبياخد منهم فلوس، وبياخافوا ويترعبوا منه.. الولد بيحكي لي إن فيه طفل حاول يهرب، والشخص ده قدر يوصل له وحبسه في المخزن".
فيديو قد يعجبك:
