بالفيديو.. لحظة إعلان السيسي تولِّي كامل الوزير حقيبة "النقل"

كتب- محمد خميس:

قال الرئيس عبد الفتاح السيسي، رئيس الجمهورية: "بالحديث عن مرفق السكك الحديدية، ومن أول ما حصلت الحادثة بتاعت جرار محطة مصر، وإن فيه مهندس هيمسك وزارة النقل، وبعدين لقوه متوفى، احنا قُلنا اللي هيمسك الأمر ده هو كامل الوزير رئيس الهيئة الهندسية للقوات المسلحة".

وأضاف السيسي، خلال كلمته بالندوة التثقيفية للقوات المسلحة بمناسبة يوم الشهيد، اليوم الأحد: "الإشاعات طلعت وماحدش يعرف الكلام ده، لكن الناس توقعت كده، والإشاعات خرجت بأن الجيش بيتحايل على كامل الوزير بقاله 5 أيام عشان يوافق، هو احنا عندنا يا كامل في الجيش بنتحايل على حد؟!".

وتابع الرئيس: "كامل الوزير قال أنا تحت رجل مصر في أي وقت، أنا باقول الكلام ده ليه؟ وأقول ليه متولاش كل ده.. لازم البرلمان يوافق، والبرلمان في إجازة دلوقتي، لازم البرلمان يوافق على كامل الوزير أو على الوزير اللي بيتم ترشيحه، بس البرلمان إجازة، لما ييجي من الإجازة يبقى يحلف اليمين"، مؤكدًا: "أنا بدِّي للمرفق ده واحد من أحسن ضباط الجيش".

وتابع السيسي: "كل الدعم من الدولة مش عشان ننجحك انت، لا، عشان ننجح المرفق ده، ولو عايز ضباط من القوات المسلحة لإنجاح المرفق ده أنا موافق، عندنا مشكلات كبيرة أوي وخلصناها، ويتبقى المرفق ده إن كان لابد مخلصين ولو كنا فاهمين لقضية بلدنا، تزعلوا من السيسي أو تكرهوه مايجراش، المهم البلد تعيش".