بالفيديو.. كامل الوزير للسيسي: "ثقتك طوق على رقبتي قُدام المصريين"

كتب- محمد خميس:

قال اللواء كامل الوزير، رئيس الهيئة الهندسية للقوات المسلحة: "باشكر سيادتك يا ريس على الثقة الغالية اللي هتكون طوق على رقبتي قُدام كل المصريين بإني هحاول وربنا يوفَّقني لننهض بوزارة النقل وبكل هيئات الوزارة"، مضيفًا: "إحنا في وزارة النقل برجالتها وكل المسؤولين هنثبت أننا مش وحشين وإننا مصريين بنحب بلدنا".

وتابع الوزير، عقب توليه حقيبة وزارة النقل، خلال كلمته بالندوة التثقيفية للقوات المسلحة احتفالًا بيوم الشهيد، اليوم الأحد: "مش هنَّام وهيلاقوني في وسطهم الجمعة الصبح وبالليل والفجر، وهنثبت لسيادتك بالناس اللي موجودين في الوزارة واللي هتدعمني بيهم القوات المسلحة في التخصصات اللي محتجينها أن مصر لما يتوفر لها قيادة سياسية واعية عايزة تغير بلدها وبتحب بلدها بآن كل المصريين هيقفوا وراه وهيطوروا بلدهم".

وتابع رئيس الهيئة الهندسية للقوات المسلحة: "احنا كلنا كمصريين اللي هيبقوا زمايلي في وزارة النقل جاهزين يقدموا وقتهم واللي يملكوه لبلدهم، وبنوعدك أنت وكل المصريين بأن الوزارة هتبقى من أحسن وزارات الدولة وقاطرة التنمية لمصر كلها بإذن الله".