ريهام سعيد تبكي بسبب مرض شريف مدكور:" سكت من الصدمة لما عرفت"

كتب- محمد خميس:

دخلت الإعلامية ريهام سعيد في نوبة بكاء على الهواء، بسبب الإعلامي شريف مدكور، عقب إعلانه عن إصابته بسرطان القولون، مشيرة إلى أنها "كنت عارفه بمرضه لأننا زملاء وأصدقاء بقالنا كتير أوي".

وأضافت "ريهام" خلال تقديم برنامجها "صبايا" على فضائية "الحياة": "أنا أول واحدة عرفت إنه عنده سرطان، كلمته في التليفون وكان لسه نتائج التحليل ظاهرة، وقالي ده طلع سرطان، وأنا سكت من الصدمة، وفضلت ماسكة التليفون مش عارفة أقوله أيه".

وأوضحت: "لما شافني سكت وقالي متخفيش حاجة بسيطة، وناس كتير عملوها قبل كده"، مؤكدة :" لما جيت امبارح وشوفته في الاستديو بيصور سألني ليه كانوا بيشتموني كتير قبل كده وليه كنت بتعرض للتنمر بالشكل دا"، مضيفة :"رديت عليه وقولتله احنا كده مبنعرفش قيمة الحاجة إلا لما نحس أنها ممكن تروح مننا وأنها في خطر".

ووجهت الإعلامية رسالة إلى "شريف مدكور":"بتمنالك الشفا لأن مفيش ولا فنان ولا إعلامي مش بيتمنالك الشفا" مؤكدة :"شريف كان دايمًا مصدر حب وطاقة إيجابية لكل من حوله".