جيهان السادات: "الرئيس السادات كان سابق عصره بتوقيعه اتفاق السلام مع إسرائيل"

كتب- محمد خميس:

أكدت جيهان السادات قرينة الرئيس الراحل، أنور السادات: "كان بيحب أوي ابنه"، متابعة: "وكل ما كان السادات بيفضل جمال ابنه عن اخواته كانوا بيفرحوا أوي".

وأضافت "السادات" في حوارها لبرنامج "كلمة أخيرة" مع الإعلامية لميس الحديدي، على فضائية "ON E" اليوم الثلاثاء: "الرئيس السادات كان بيقولي نفسي جمال يكبر ويطلب كرافتة من كرافتاتي، وبالفعل أنه كبر واخدهم منه"، موضحة: "لما كنت بلاقيه غضبان كنت بسيبه لحد ما يبقى أهدى، وشفت غضبه لما مسكوا سفير مصر في إسبانيا، لقيته غضبان وقالي لو مسابهوش هتصرف تصرف تاني معاهم"

وتابعت: "لما راح اسرائيل كنت خايفة اوي منه، وكنت على اعصابي لأحسن حد اسرائيلي يقتله او حد فلسطيني متزمت يقتله"، مؤكدة: "جوزي كان سابق عصره بتوقيعه اتفاقية السلام مع إسرائيل، واحنا اخدنا سينا وهما ماخدوش من الجولان حاجة، شوف احنا فين وهما فين دلوقتي".

وأكدت: "كان في حسن نية في إفراج الرئيس السادات عن الإخوان المسلمين".