أحمد موسى عن نهائي الكأس: "الطلائع مش سهل والثلاثية يا أهلي"

كتب- محمد خميس:

علق الإعلامي، أحمد موسى، على مباراة اليوم بين النادي الأهلي وطلائع الجيش في نهائي كأس مصر، قائلًا: "الماتش مش سهل، ولكنه صعب جدًا، لأن فريق طلائع الجيش عنده لاعبين محترمين جدًا ومدرب مثل طارق العشري، والفريق متكامل".

وأضاف "موسى" خلال تقديمه برنامجه "على مسؤوليتي" على فضائية "صدى البلد" اليوم السبت:

النادي الأهلي يبحث عن بطولة جديدة بعد قليل، وإن شاء الله ناخد كأس مصر وتبقى الثلاثية وبعدها السوبر الأفريقي والمحلي ونروح كأس العالم للأندية، ولكن المهم نأدي النهارده ومحتاجين ماتش يكون في منتهى الهدوء.

وتابع "فريق طلائع الجيش لديه مدرب مثل طارق العشري اللي بيقفل كويس أوي وعنده لاعيبه بتوصل وبيمشوا كورة كويس، وطريقهم للنهائي مكنش سهل ووصلوا له بعد الفوز على بيراميدز والزمالك، عشان كده دا فريق محترم ولازم نعمله 100 حساب، ولأنه يسعى لتحقيق أول بطولة ليه، وهيلعبوا بكل قوة، وعشان كده الأهلي معندوش هزار الكأس يا أبطال".

وأردف: عندنا اللي ممكن يخلص، زي قفشة كالعادة او الشحات، ولازم نخلي بالنا المباراة صعبة.