"مش مقبول يا أستاذ".. وزير النقل ينفعل على الإبراشي بسبب فيديو زحام المترو
كتب- محمد جمعة:
انفعل المهندس كامل الوزير، وزير النقل، على الإعلامي وائل الإبراشي، بسبب عرضه فيديو للزحام في إحدى محطات مترو الأنفاق.
وقال الوزير، خلال مداخلة هاتفية مع برنامج "التاسعة" المُذاع على القناة الأولى بالتلفزيون المصري، مساء الأحد: "مش مقبول يا أستاذ وائل تطلع فيديو وصور قديمة كانت في أول أيام حظر التجوال الساعة الرابعة".
وتابع الوزير محدثًا الإبراشي: "أنا كنت في المترو النهادره، ولو سمحت هات الصور بتاعة النهارده، وشوف اللي عملته الحكومة، لكن إنت طلعت صور وخلاص".
فرد الإبراشي: "حتى لو الفيديو مش النهارده، فده زحام في المترو يا سيادة الوزير جزء منه بسبب سلوك بشري.. وأنا بقولك إن في زحام النهارده برضه".
بدوره رد الوزير: "إنت مروحتش المترو ومشفتوش، والإعلامي المحترم يعرض الصورة النهارده مش صور قديمة".
وأنهى وزير النقل المداخلة قائلًا: "بشكرك يا أستاذ وائل.. واللي عملته الحكومة أنا قلته في برامج اخرى".
اقرأ أيضاً:
فيديو الازدحام قديم.. أول تعليق من النقل على مشادة الوزير والإبراشي
الإبراشي يرد على انفعال وزير النقل بسبب المترو: "إضربنا بالقاضية بس مانلقيش زحمة بكرة"
فيديو قد يعجبك:
