"رايحين لسواد".. تامر أمين محذرًا من ارتفاع أعدد المصابين بكورونا

كتب – معتز عباس:

انتقد الإعلامي تامر أمين، عدم التزام المصريين بإجراءات التباعد الاجتماعي وعدم اتخاذ التدابير الاحترازية اللازمة وتواجدهم في الشوارع طوال الوقت، قائلًا: "المفروض في ليلة القدر ندعي ونتوب إلى الله من الاستهتار وبلطجة وفهلوة المصريين في التعامل مع فيروس كورونا

وقال " أمين"، خلال تقديمه برنامج "آخر النهار" المذاع على قناة "النهار"، اليوم الثلاثاء، إن عدم الالتزام يؤدي إلى ارتفاع عدد المصابين، متابعًا: "كل يوم ناس بتموت وتتصاب والأعداد بتزيد ومعاه عدم الالتزام بيزيد.. شئ في منتهى الغرابة".

وأضاف: "في يوم واحد أعداد المصابين ارتفعت أكثر من 200 مصاب، واللي بيفهم في علم الإحصاء والأرقام يعرف أننا رايحين لسواد، لأنه ممكن بعد يومين الأعداد ترتفع لـ،1000 أو 1300 أو 2000".

وأكمل: "كل دول العالم المفروض تبقى بالنسبة لنا عبرة، لكن كل دول العالم الأعداد فيها بتنزل وإحنا بنرتفع.. لو فضلنا في الزيادة دي الناس هتتصاب بفيروس كورونا ومش هتلاقي مكان في المستشفى عشان يتعالجوا، وهنشوف مشاهد زاي اللي حصلت في إيطاليا وأسبانيا".

وتابع: "الشخص المستهتر يتسبب في إصابة غيره، والكمامة الدوارة مظاهرتش غير فى مصر، كل واحد داخل البنك يلبس الكمامة، وهو خارج يلبسها لغيره".