تامر أمين عن موجة الحر: "ممكن أطلع بفانلة حملات على الهواء"

كتب- محمد خميس:

علق الإعلامي تامر أمين، على تعرض مصر للموجة الحارة التي تشهدها البلاد خلال هذه الأيام، قائلًا: "مش عارف بعد كده ممكن أطلعلكم على الهواء ازاي هطلع بفانلات الأهرام اللي بحملات، مش عارف الجو دا عامل كدة ليه، واحنا كده والدنيا ليل ودرجة الحرارة 190 ومفيش نسمة هوا، والناس طالعين حرانين وطهقانين، ومش عارف سنة 2020 ناوية تعمل فينا ايه تاني".

وأضاف "أمين" خلال تقديمه لبرنامجه "آخر النهار" على فضائية "النهار" اليوم الأربعاء:"سنة 2020 ورتنا ولعبتنا كل الألعاب زلازل وبراكين وكورونا وأعاصير وسيول، احنا في ليفل الوحش، مش عارف شهر 6 ناوي يفاجئنا بأيه غير كائنات فضائية ويوسف الشريف عملها في مسلسل النهاية"، متابعًا: "على رأيي النكتة اللي بتتقال اليومين دول اللي هيعدي من سنة 2020 هيعيش ليوم القيامة لأن مفيش حاجة تاني يشوفها".

وأشار، إلى أنه بالرغم من ارتفاع درجات الحرارة الكبير، ألا أن الشوارع مليئة بالمواطنين، قائلًا: "مفيش مكان تمشي والشوارع عبارة عن جراج كبير رغم الكورونا والتباعد والناس في الشوارع عادي جدًا مستحملة الحر".