"مازلنا في مرحلة الكمامة".. أديب عن عودة الحياة الطبيعية ببعض الدول الاوروبية

كتب- حسن مرسي:

علق الإعلامي عمرو أديب، على القرارات التي اتخذتها بعض الدول الأوروبية للتخفيف من القيود المفروضة بسبب فيروس كورونا، قائلًا: "الناس بعتالي صور المطاعم والشواطئ في باريس وروما وبريطانيا، يا جماعة إحنا في مرحلة تانية غير اللي فيها الناس دي، الناس دي خلصت كل حاجة، وإحنا في مرحلة مختلفة خالص".

وأضاف أديب، خلال برنامجه "الحكاية" المُذاع عبر فضائية "mbc مصر"، مساء الجمعة، "مازلنا في مرحلة الكمامة، السعودية أصدرت قرار بالعودة مرة أخرى لحظر التجوال من جديد، لأنهم شافوا أن الأزمة لسة مخلصتش".

وتابع مقدم "الحكاية": "أنت قررت أن الموضوع ياخد وقت أطول وأنا بقولكم أصبروا، محدش يعرف الموضوع ده هيخلص أمتى، كل دولة في العالم لها توقيت معين، زي ما حصل في تونس، الناس دي عندها صفر إصابات".

وأضاف عمرو أديب: "الفتح أصعب من الإغلاق، الناس اللي بتتكلم في فتح المطاعم والكافيهات، الموضوع صعب ومحتاج عدد كبير من المتطوعين وأجهزة قياس درجات الحرارة، الشيء الوحيد اللي أقدر أقوله أنك يجب أن ترتدي الكمامة وتغسل يديك طوال الوقت".