أديب عن دعوات الإخوان للتظاهر: "المواطن الغلبان اللي بيدفع التمن"

كتب- حسن مرسي:

علق الإعلامي عمرو أديب على دعوات الإخوان للتظاهر، قائلا: "هيحصل زي اللي حصل السنة اللي فاتت، ناس خارجة وناس داخلة ونصوره ونقول دي مظاهرة، يا جماعة حرام عليكم احترموا عقولنا".

وأضاف أديب، خلال برنامجه "الحكاية"، المُذاع عبر فضائية "mbc مصر"، مساء الجمعة، "المظاهرات مش بتهزني، وشوفنا في البلد دي تريليون مظاهرة، ودي الدعوة رقم 500 من بعد 2013، ولا يمكن لأي مصري أن يوافق على تسليم مصر لقطر أو تركيا، ونموت على الأرض، ولا إن مصر تتحكم من إسطنبول أو الدوحة"

وتابع: "لما المحلات اتقفلت والشغل وقف والبلد اتصنفت إن فيها إرهاب مين اللي دفع التمن؟!، المواطن الغلبان اللي بيدفع تمن المظاهرات، هل أنا عاوز أبقى في بلد زي اللي بيمشيها أردوغان وبيتحكم في مقدراتها، يا جماعة السيادة كنز لا يفنى".