أديب: لا يوجد تفسير علمي لانخفاض نسب إصابات فيروس كورونا في مصر

كتب- حسن مرسي:

قال الإعلامي عمرو أديب، إنه لا يوجد تفسير علمي لانخفاض نسب إصابات فيروس كورونا في مصر خاصة مع عدم تطبيق السواد الأعظم من المواطنين للإجراءات الاحترازية، مضيفًا: "أنا مش قادر أفسر الكورونا المصري ده، الدنيا فتحت واللي حصل في المصايف كان كفيل أنه يعمل انفجار في أعداد الإصابات بالفيروس، العالم بيستعد بكل الأشكال لأرقام إضافية من الإصابات".

وأضاف أديب خلال برنامجه "الحكاية"، المُذاع عبر فضائية "mbc مصر"، مساء الجمعة: "الروس بيتحدث عن لقاح سبوتنيك 5 وإنه خلال الأسبوعين هيبدأوا في إنتاجه، والمجلات الطبية العالمية بعد ما كانت بتشكك في اللقاح ده دلوقتي بتقول ده لقاح قوي وبيعمل مناعة كويسة ممكن تمنع الإصابة، ونفس الكلام أمريكا بتقول أنها بتستعد، لكن منظمة الصحة العالمية بتقولنا مش أقل من نصف العام القادم، لكن أنا بقولكم هانت ومفيش مبرر نبوظ الدنيا في الأخر".

وقال: "لما تيجي تسألني إيه هو اختراع القرن الـ 21، هقولك الكمامة، دي عبارة عن كنز كبير في الفترة اللي احنا فيها دي، واحنا داخلين على الدراسة ولازم نلتزم بالكمامة علشان في دراسات بتقول أنه بدأ ينتشر بين الشباب والأطفال، فلازم ناخد بالنا".