أول تعليق لمحافظ إسكندرية بعد إصابته بالكورونا: "الموضوع مش سهل"

كتب – معتز عباس:

قال محافظ الاسكندرية اللواء محمد الشريف منذ إصابته بفيروس كورونا، إنه لا يزال أمامه فترة تتراوح بين 3 إلى 4 أيام حتى تنتهي فترة العزل الصحي، متابعًا: "الحمد لله الامور استقرت وبقت أفضل كتير"

وأضاف "الشريف"، في مداخلة هاتفية عبر برنامج "كلمة أخيرة"، المذاع على فضائية " ON" ، اليوم الأحد: "النهاردة مش حابب أتكلم كمحافظ لكن كواحد من المواطنين الذين أصابهم الكورونا، الإصابة ليست سهلة بل شديدة وعاوز أقول للمواطنين من تجربتي كورونا صعبة مش سهلة تؤدي لتدهور الحالة الصحية للإنسان والتنفس وبيبقى صعب اوي مش زي الانفلونزا خالص الموضوع مش سهل ".

ووجه رسالة تحذيرية للمواطنين قائلًا: الموضوع مش سهل وكل واحد يتلزم بالاجراءات الاحترازية كويس أوي أوي لان المرض صعب جدًا، رسالتي لغير الملتزمين الأمر شديد الخطورة وكل واحد يخلي باله من نفسه وأنا كمحافظ .. أثناء عملي ومباشرتي للأمور بشكل ميداني ماكنتش حريص بشكل زيادة عن اللزوم، متابعًا: "أحياناً كنت بقلع الكمامة عشان أكلم الناس وارجع البسها تاني والكلام ده مش هكررها تاني لاني شفت المرض وعانيت منه أوي".

وأضاف: "لما عملت الفحوصات كان الفيروس أثناء إجراء الأشعة قد اقتحم الرئة بشدة والأن أحصل على جرعات كبيرة من الكورتيزون حتى أكون بوسعي السيطرة على المرض والحمد لله أفضل دلوقتي، وبقول الكلام ده لكل المواطنين محدش يعتقد إنه نوع من أنواع الأنفلونزا وهيعدي".