"اتكتبلهم النجاة"..شريف عامر: "حادث عمرو أديب بيحصل لأي حد"

كتب- محمد خميس:

قال الإعلامي شريف عامر: "إن الإعلامي عمرو أديب تعرض لحادث سير بيحصل لأي حد وهو والطرف الثاني في الحادثة انتقلوا للمستشفى وتلقوا نفس الدرجة من الاهتمام واتكتل لهم النجاة وبتمنى له التغلب على الآلام العارضة للحادث"، مشيرًا إلى أن أديب يعاني من آلام شديدة؛ نتيجة قوة صدمة الحادث الذي تعرض له.

وأضاف "شريف" في خلال تقديمه لبرنامجه "يحدث في مصر" على فضائية "إم بي سي مصر" اليوم الأربعاء: "عمرو أديب نفسه عارف أنه شخصية بتعرض نفسها كل يوم على الهواء ومبيحصلش الكلام دا النهارده دا حصل لعدد كبير من السنوات دا هو عارف أنه بيخضع لتقييم كل الناس كل يوم كجزء من شغلته، وهو كمان شخصية مؤثرة ومهمة في مجاله ومن الطبيعي أنه يكون في تفاصيل وأن الناس عايزة تعرف وعايزة تفهم، مش هدي فكرة التشفي جزء كبير لأنها حاجة غير إنسانية، لأن فكرة التشفي دي ممكن تأكد أني ممكن أتخيل أن يكون ليا خصم أو بنسعى لكن في حد تاني معرفوش هيتخيل أني خصمه وهيتصور أني مختلف معاه ودا حقه وهو نفسه لو تشفيت فيه النهارده هيتشفى فيا في مناسبة تانية ولكنه شيء موجود وغير إنساني والواحد ميديلوش حقه كتير".

وتابع، أنه مع قوة التأثير ومع الوجود بيبقى الكلام والاهتمام سلبًا وإيجابًا ممكن ترفع عمرو أديب لمستوى الملايكة وممكن تضعه في مستوى الشياطين، مؤكدًا: "عمرو أديب في نهاية الأمر اسم مهم ومؤثر وناجح وإن شاء الله على المستوى الشخصي والمهني بتمناله يرجع بالسلامه وهو راجع بالسلامة بعد ما يتغلب على آلامه ويهدى وكان ممكن أطلب منه يطلع يتكلم وتطمنوا عليه، بس أنا بتصرف مش كمذيع وعايز أجيب الراجل اللي الناس بتتكلم عنه ولكني أحب وأتصور أنه معروف من اللي بيشتغلوا معانا أو بيتابعونا أحنا بندي الناس مساحتها ووقتها عشان تهدى وتتعامل مع اي مشكلة أو أي حادث وخصوصًا على مستوى الأسرة الوحدة في القناة وتاريخ مشترك، أديله فرصته وهو عارف أن دا برنامجه ودي شاشته وهو اللي هيحكي حكايته في اللحظة اللي هيحكيها وبتمناله يعود سريعًا يحكي الحكايات بأسلوبه".

وأردف مقدم البرنامج: "عمرو أديب في النهاية هو اسم في معادلة مهمة ومؤثرة وعشان كده كل الحكايات اللي كان ممكن تدور عنه دارت خلال الساعات اللي فاتت، والأكيد أنها بتحصل لأي حد".