شقيق ضحية السلام: "حاولوا إجبارها على خلع ملابسها.. وأستبعد فكرة انتحارها"

كتب- محمد خميس:

قال يوسف، شقيق ضحية السلام: "إن شقيقته طلبت من أحد الأشخاص أن يحضر لها أنبوبة، فأحضرها لها ودخل إلى شقتها لكي يقوم بتغييرها"، مضيفًا: "من قام بتغير الأنبوبة لأختي قال لها مش هينفع أجيبهالك قبل الساعة 11، وكانوا سايبين الباب مفتوح".

وأوضح "يوسف" في مداخلة هاتفية لبرنامج "كلمة أخيرة" على فضائية "" اليوم السبت: "البواب وصاحب العمارة طلعوا واتهجموا عليها، وقالوا لها اخلعي هدومك وهنصورك"، متابعًا: "طبيعي إنها من كتر الضرب والقرف اللي شافته إنها هترمي نفسها أو هم اللي رموها، وأختي وزنها تقيل وسور البلكونة عالي، ومش هتقدر ترفع رجلها عشان تقفز، والناس دي يا إما كانوا عاوزين ياخدوا حاجة في الشقة أو عاوزين يتعدوا عليها".

وأردف: "انفصلت عن زوجها، ولديها طالب في المرحلة الثانوية والآخر في الإعدادية وطفلة صغيرة، وكلهم يعيشون مع والدهم، والرجال كان بيغير الأنبوبة والباب مفتوح، ولما كان خارج دخلوا وفضلوا يضربوا فيهم، وعرفت القصة دي من القسم، ظابط كويس ومرضيش يضحك عليّ".

وأضاف "شقيق سيدة السلام"، أن شقيقته كانت على خلاف مع مالك المنزل، قائلًا: "طلب منها 15 ألف جنيه للمرافق والسلالم والأسانسير، أعطتهم إياه، ومعملش حاجة، زهقت وقالت للناس يشوفوا لها مشتري وإنها عاوزة تعزل، وكان بيضايقها، وكانت بتروح عند خالتي عشان تبيت، لكن في يوم الحادث، راحت تغير الأنبوبة عشان تعمل أكل لعيالها، وكل اللي بطلبه إن ربنا يشفي غليلي ويجيب حقها".