بعد استجابته لسائقة التروسيكل.. السيسي للمسؤولين: "خلوا بالكم من عرضكم" -فيديو
12:51 ص
الإثنين 22 مارس 2021
كتب- محمد جمعة:
أجرى الرئيس عبدالفتاح السيسي، مداخلة هاتفية مع برنامج "من مصر" المذاع على فضائية "cbc"، مساء الأحد، استجابة للسيدة ناهد جمال سعيد، سائقة تروسيكل التي لديها 5 بنات وناشدت بتوفير عيشة كريمة لهن.
وقال الرئيس السيسي: "أنا ببلغ الست ناهد تحياتي واحترامي واعتزازي، وكمان ألمي الشديد إن يبقى فيه 5 بنات وهي بتجري عليهم كده، وإحنا بنتفرج".
وتابع الرئيس: "ربنا يديكي الصحة، البنات محتاجين رعاية، والخمس بنات هيبقوا 5 أسر بعد كدة، وإحنا هندبر كل اللي عايزاه لأنك تستحقي كل خير".
واستطرد السيسي: "كل ست بتعمل كده، تاج على رأسنا وتشرفنا، والست دي بـ100 راجل".
وخاطب الرئيس السيسي، المسؤولين، قائلاً: "بقول لكل مسؤول في مصر من فضلكم، خلوا بالكم من أهلكم وعرضكم.. الست عرض، وإحنا مسؤولين عنها في الظروف اللي زي دي".
وتابع الرئيس: "اللي بطوله من الحالات دي مابستناش، لكن في ناس كثير مبطولهاش وماعرفهاش ومبسمعش عنهم، واللي موجود بيسمع يا يعمل يا يقولي وأنا إن شاء الله أعمل".
ووجه الرئيس السيسي كلمته للإعلامية ريهام إبراهيم والإعلامي عمرو خليل، مقدمي البرنامج: "بشكركم إنكم بتجيبوا أمثلة للناس عشان تبينوا قد إيه الأم عاملة إزاي.. إحنا دولة مش غنية لكن على الأقل يبقى قلوبنا وإردتنا نقدم لهم كل حاجة على قد ما ربنا يقدرنا.. ويارت نفضل نقدم الأمثلة دي".
فيديو قد يعجبك:
