نجل الحاجة سمرة الناجية من حادث قطار سوهاج: "إزاي هطردها من البيت.. ضميري مايسمحش بكدا"

كتب – معتز عباس:

علق ياسر جمال نجل السيدة الناجية سمرة الراوي من حادث قطار سوهاج، التي ذكرت أن نجلها قام بطردها من المنزل قبل استقلالها للقطار.

وقال "جمال"، في مداخلة هاتفية لبرنامج "كلمة أخيرة"، المذاع على فضائية "أون إي"، اليوم الأحد: "أقسم بالله ماعرف حاجة عن القصة اللي قالتها غير الكلام الي وصلني من الناس عايز افهم منها القصة؟ وليه بتقول كده عليا؟!".

ووجهت له "الحديدي" سؤال لنجل الحاجة سمرة، قائلة: "لماذا لم تذهب لرؤيتها في المستشفى بعد نجاتها من الحادث؟"،فرد قائلاً: "أنا ماعرفتش غير لما الجيران خبطوا علينا وقالولي على الحادثة فتوجهت وربنا يشهد على حالي ..أنا قاعد من الشغل ومافيش معايا فلوس رحت إستلفت الفلوس عشان اروحلها".

وأضاف، قائلًا: فيه ناس إتصلت بيا وأنا في نص الطريق وقالولي إرجع أمك عملت فيديو وقالت أنك ضربتها وطردتها وهددتها بالقتل، وقالولي لو رحت هناك مش هتعرف ترجع بيتك تاني وقالولي خليك عندك لحد ما نقعد مع والدتك ونفهم منها"، مستطردًا: "أنا بعتلها إخواتي البنات عشان يطمنوا عليها؟، فرجت عليهم الناس وقالت معرفكوش ليه جايين هنا، لكن أنا ابنها وإزاي هطردها من البيت".

وسألته الحديدي عن أسباب غضبها منه، رد نجل الحاجة سمرة قائلًا: "مشاكل عادية تخص المعاش ومصاريف البيت، إحنا عايشين في ضغط ..لكن اقسم بالله مامشيتها من البيت إزاي ضميري هيمسح بكده وربنا يشهد على كلامي".

ووجهت الإعلامية لميس الحديدي رسالة له قائلة : "روح دور على أمك يا ياسر، هي دلوقتي في دور رعاية مسنين،0 واحذر غضب الأم لأنه تتهد ليها جبال".