بعدما اشترى منه الرئيس في الشارع.. بائع الفاكهة: "السيسي قلبه أسد ومش بيخاف"

كتب- محمد جمعة:

كشف المواطن محمد حسن محمد مسعود، بائع الفاكهة، تفاصيل الدقائق التي قضاها مع الرئيس عبد الفتاح السيسي عندما وقف أمام فرشه بسيارة شباب الخريجين في أحد شوارع مدينة نصر، وطلب منه فاكهة.

وقال حسن، خلال مداخلة هاتفية مع برنامج "على مسؤوليتي" المذاع على فضائية "صدى البلد"، مساء السبت: "السيارة وقفت قدامي، فبصيت لقيت الرئيس السيسي، مكنتش مصدق نفسي وحاسس إني في حلم.. وقالي أنا عايز موز، قلت له دوق ياريس الأول طيب، قالي أنا عايز 4 كيلو ونقيهم حلوين".

وأضاف بائع الفاكهة: "الكلام ده كان حوالي الساعة الواحدة بعد صلاة الجمعة، والطريق كان شغال ومش وافق، والناس موجودة في الشارع".

وتابع حسن: "الرئيس وقف حوالي ربع ساعة، وأنا كنت مذهول، واشتكيت له من مشكلة في أعصاب رجلي، فوجه بتقديم العلاج، ووزارة الصحة تواصلت معايا وذهبت إلى مستشفى دار الشفاء، وعملت الإشاعات كلها لحد دلوقتي".

واستطرد حسن: "الرئيس السيسي قلبه أسد، وأنا قلت له كده.. مش بيخاف وبينزل مصر كلها على جميع مستوى الجمهورية، فربنا يحميه لمصر وبقوله شعب مصر كله بيحبك".

وأضاف: "أنا لحد دلوقتي مش عارف أنام، فرحتي مكنتش لا على البال ولا الخاطر، وأنا بقالي 30 سنة بائع فاكهة في مدينة نصر مر عليا مسؤولين كتير، لكن رئيس الجمهورية حاجة كبيرة وحلم".